Bıylǵy jyl 19 jastaǵy qazaq arýy úshin sátti bastalǵan edi. Ol Krasnoıarskide alaýy tutanǵan Dúnıejúzilik Ýnıversıadada, Anahaımda uıymdastyrylǵan «Tórt qurlyq birinshiliginde» jáne Saıtamada ótken álem chempıonatynda kúmis medaldardy moınynda jarqyratyp, barsha jankúıerdiń zor qoshemetine bólendi. Desek te sodan keıin jaraqat alǵan jerlesimiz biraz ýaqyt emdeldi. Mine, endi ol qaıta muzaıdynǵa oralyp, Qytaıda elinde ótetin kommersııalyq týrnırde baq synaýǵa bel býyp otyr. Bul jarysta da biz Qazaq eliniń maqtanyshyna aınalǵan sportshy qyzǵa tabys tileımiz.
E.Tursynbaevadan bólek, aıtýly dodada Olımpııa oıyndarynyń eki dúrkin kúmis júldegeri, eki dúrkin álem jáne Eýropa chempıony reseılik Evgenııa Medvedeva bastaǵan birqatar áıgili mánerlep syrǵanaýshy óner kórsetedi.
