Merekelik jıynda Shymkent qalasy máslıhatynyń hatshysy Ǵanı Tashqarev, Shymkent qalasy Qazaqstan halqy Assambleıasy tóraǵasynyń orynbasary Muratáli Qalmuratov, Nur Otan partııasy Shymkent qalalyq fılıaly tóraǵasynyń birinshi orynbasary Bahadyr Narymbetov jáne Qazaqstan koreıleri assosıasııasynyń prezıdenti Sergeı Ogaı quttyqtaý sóz sóılep, eldegi etnosaralyq birlikti nyǵaıtýdyń mańyzdylyǵyn aıtty.
Al Shymkent qalalyq koreı etnomádenı birlestiginiń tóraıymy Roza Pak qıyn-qystaý kezeńde barsha etnostarǵa pana bolǵan qazaq eline alǵysyn jetkizdi.
- Qıyn jyldar kezeńinde qazaq halqynyń bizdiń ata-babalarymyzdy ystyq yqylaspen qarsy alǵanyn alǵys sezimmen eske alamyz. Qazaq halqynyń darhandyǵynyń arqasynda ósip-óndik. Búginde birligi jarasqan, bolashaǵy zor memlekette ómir súrip jatyrmyz. Qazaqstan - óz Otanymyz. Ortaq Otanymyzdyń kórkeıýi úshin aıanbaı eńbek etetin bolamyz, - dedi Roza Vıktorovna.
Jıynda qoǵamdyq kelisim men jalpyulttyq birlikti nyǵaıtýǵa súbeli úles qosyp júregen birqatar azamattarǵa qala ákiminiń jáne qalalyq Qazaqstan halqy Assambleıasy men qalalyq máslıhattyń alǵys hattary tapsyryldy.
Búginde elimizde 100 myńǵa jýyq koreı etnosynyń ókili ómir súredi. Shymkent qalalyq koreı etnomádenı birlestigi óńirdegi 9 myńnan astam koreıdiń basyn biriktirip otyr. Onyń janynan Ardagerler alqasy men Jastar qanaty, jeksenbilik mektep, «Moranbon» folklorlyq ansambli jumys isteıdi.
ShYMKENT
