Ádildik úshin aıta ketelik, bul qujatqa Qazaqstan men QHR syrtynda Úndistan, Qyrǵyzstan, Pákistan Islam respýblıkasy, Reseı, Tájikstan jáne О́zbekstan elderi de qol qoıǵan.
Bul bizdiń telesaıasatymyzdy ózge eldermen salystyrýǵa bolmaıdy. El kóleminde Reseıdiń, ońtústikte ózbek telearnalary kórsetiledi. Al Qytaı shekarasyna jaqyndap qalsań, televızııa ǵana emes, uıaly telefon da qytaı tilinde saırap qoıa beredi. Otandyq telearnalar «Bollywood», «Indııa TV», «Indııskoe kıno» sekildi úndi telearnalary jyldar boıy óz ónimin usynyp keledi. Bul rette bizdiń telearnalar alys-jaqyn kórshilerdiń kógildir jáshikterimen «ıntegrasııalanýdy» kóshten buryn bastap jibergen.
Qyrǵyzstan, Tájikstan jáne О́zbekstan arnalarynyń keń taralýy sonsha qorqynysh týǵyzbaıdy. Sebebi TMD aıasynda osyǵan uqsas kelisim bekitildi. Biraq sońǵy nátıjede Reseı arnalarynyń basymdyqqa ıe bolǵany belgili. «1 kanal», «Rossııa 24», «Mır», «Rossııa-Kýltýra» tárizdi telearnalary táýelsizdikten keıingi jyldary da jumys istedi. Keıinirek «Otaý TV» ulttyq sıfrlyq televızııasy kórsetýi mindet telearnalar paketine kirip alyp, jumystaryn jalǵastyra berdi. Kúni keshe ǵana Úkimetbasy bekitken kelisimshartta «Taraptardyń árqaısysy ózara negizde basqa tarap memleketiniń buqaralyq aqparat quraldary redaksııalarynyń akkredıttelgen ókilderine iskerlik baılanystar ornatý men aqparattyq materıaldardy, televızııalyq reportajdardy jáne t.b. daıyndaýdy qosa alǵanda, ózderiniń kásibı mindetterin oryndaýy úshin qajetti jaǵdaılar jasaýǵa járdem kórsetedi. Olardyń BAQ redaksııalarynyń korrespondenttik pýnktteriniń qyzmetine járdem kórsetedi» degen joldar bar. Tipti keıbir elderdiń suraýymen tıisti bap ta engizilipti: ol taraptardyń árqaısysy boljamdy shyǵý kúnine deıin keminde 90 kún buryn depozıtarııge bul týraly jazbasha nysanda habarlama jibere otyryp, osy kelisimnen shyǵa alatynyn jáne depozıtarıı atalmysh habarlamany alǵan kúnnen bastap 30 kún ishinde osyndaı nıet týraly basqa taraptarǵa habarlaýdy mindetteıtinin jazǵan. Shanhaı yntymaqtastyq uıymynyń Hatshylyǵy osy kelisimniń depozıtarııi bolyp tabylady.
Kelisim orys jáne qytaı tilderinde jasaldy ári «eki mátinniń de kúshi birdeı» ekeni naqty aıtylǵan. Mundaı ýaǵdalastyq ShYU-ǵa kiretin memleketter halyqtarynyń ómiri týraly ózara bilimderin odan ári tereńdetý maqsatynda bekitilip otyrǵany baıandalady.
Demek, ShYU-nyń Ortalyq Azııadaǵy orny men yqpalynyń ekinshi kezeńi bastaldy. «Biz buǵan qandaı daıyndyqpen keldik» degen saýaldyń jaýaby jyl aıaǵyna deıin belgili bolyp qalady.
Almaty
