Aıtýly dodada 27 júlde jeńip alǵan AQSh quramasy komandalyq esepte aıqyn jeńiske qol jetkizdi. Tarqatyp aıtsaq, amerıkalyqtar 12 altyn, 11 kúmis jáne 4 qola medaldi qorjynǵa saldy. Jelmen jarysqan jelaıaqtaryna arqa súıegen Kenııa men Iаmaıka ekinshi jáne úshinshi oryndardy oljalady. Qara qurlyq ókilderi 11 (5+2+4) júlde alsa, aralyqtar 10 (3+4+3) márte jeńis tuǵyrynan qol bulǵady. Úzdik bestiktiń qataryna Qytaı (3+3+3) men Efıopııa (2+5+1) qosyldy.
Dopıng daýyna baılanysty Reseı sportshylary óz eliniń týy astynda emes, «beıtarap atletter» komandasy sapynda óner kórsetti. Dohadaǵy dodada olar alty medaldi (2+3+1) ıelenip, jalpy esepte altynshy satyǵa taban tiredi. Bul jarysta barlyǵy 44 memlekettiń ókilderine júldeli oryndar buıyrdy.
О́kinshike qaraı, osy jarysta Qazaqstannyń jeńil atletterine birde-bir júlde buıyrǵan joq.
