Aıtýly sharaǵa Sybaılas jemqorlyqqa qarsy is-qımyl agenttiginiń tóraǵasy Alık Shpekbaev, Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń bastyǵy Qaırat Súntaev, ýnıversıtet fakýltetteriniń basshylary, «Izgilik elshisi» jobasynyń eriktileri qatysty.
Rektor Takır Balyqbaev «Izgilik elshisi» azamattyq qoǵamnyń belsendiligin arttyryp, jastardy eriktilikke tartýǵa yqpal etetin joba ekendigin atap ótip, joba aıasynda ýnıversıtet eriktileri kómekke muqtaj jandarǵa, kóp balaly jáne az qamtamasyz etilgen otbasylarǵa, jalǵyzbasty analarǵa, múmkindigi shekteýli balalardy tárbıelep otyrǵan otbasylaryna kómek kórsetýdi bastap ketti dedi. Sonyń dálelindeı, jastardy meıirimdilikke, qaıyrymdylyqqa shaqyratyn joba aıasynda 18 otbasyna kómek kórsetilgen.
Ýnıversıtet stýdentteriniń osyndaı izgi isterine alǵysyn bildirgen Qazaqstan Respýblıkasy Sybaılas jemqorlyqqa qarsy is-qımyl agenttiginiń tóraǵasy Alık Shpekbaev stýdent jastarǵa sáttilik tilep, memlekettik organdar men mekemeler qyzmetiniń ashyqtyǵyn qamtamasyz etý maqsatynda elimizdiń barlyq aımaqtarynda júzege asyrylady degen senimin bildirse, jobanyń úılestirýshi Aınur Sábıtova aldaǵy josparlary týraly tanystyryp, eriktilerdiń endigi qadamdary týraly baıandap berdi.
