Sheteldegi mádenı ortalyqtardyń mereıtoılyq jáne merekelik is-sharalaryn, atap aıtqanda, Novosibir oblysynyń qazaq mádenıeti kúnderin jáne Omby oblysynyń aımaqtyq Qazaq ulttyq mádenı avtonomııasynyń 20 jyldyǵyn merekeleý aıasynda 2019 jyldyń 5-6 qazan aralyǵynda Reseı Federasııasynda Novosibir jáne Omby qalalarynda Qazaqstandyq ártisterdiń qatysýymen konsertter ótti.
Konsert Aqparat jáne qoǵamdyq damý mınıstrliginiń jáne RQB Dúnıejúzi qazaqtarynyń qaýymdastyǵynyń qoldaýymen «Otandastar Qory» KEAQ uıymdastyrdy.
Konsertterdiń maqsaty - otandastardyń shyǵarmashylyq áleýetin arttyrý, Reseı Federasııasynda turatyn qazaq dıasporasy ókilderiniń ulttyq mádenıet pen til qajettilikterin qanaǵattandyrý,sondaı-aq halyqtar arasynda mádenıetti ózara baıytý, óskeleń urpaqty toleranttylyq pen dostyq rýhynda tárbıeleý, shekararalas yntymaqtastyqty nyǵaıtý.
Qazaqstan men Reseıdi ortaq tarıh pen mádenıet, ortaq shekara, uqsas mentalıtet, ortaq mádenı jáne aqparattyq keńistik biriktiredi. Mádenıet, ǵylym jáne bilim salasyndaǵy Qazaqstan men Reseıdiń jemisti yntymaqtastyǵy ulttyq biregeılikti saqtaý jáne damytý, ana tilinde bilim berý olardyń rýhanı qajettilikterin júzege asyrý úshin, qolaıly jaǵdaılar týǵyzý arqyly elimizde turatyn halyqtardyń mádenıetin erkin jáne teń dárejede damytýdy qamtamasyz etetin eki jaqty qujattarǵa negizdeledi.
Konsertke respýblıkalyq, halyqaralyq konkýrstar men festıvalderdiń laýreattary óner kórsetti. Atap aıtqanda, Rústembek Omarov atyndaǵy qazaq ult aspaptar orkestri, Kórkemdik jetekshisi ári bas dırıjeri QR Eńbek sińirgen qaıratkeri - Talǵat Kárimov. «Retro» vokaldyq ansambli jáne «Samiyan» toby. Kórkemdik jetekshisi Madına Nurǵojınova. «Shernııaz» bı ansambli. Kórkemdik jetekshisi Nurlan Bekov. Sondaı-aq dástúrli jáne estrada ánshileri qatysty.
Konsertte ataqty qazaq, keńestik jáne sheteldik kompozıtorlardyń shyǵarmalary oryndaldy.
