Qazaqstan halqy Assambleıasy ókilderi qadirli qonaqty shashý shashyp qarsy aldy. Ilııana Iotova qazaqtyń qymyzyn iship, bolgar dıasporasy ókilderi ázirlegen dastarhannan dám tatty.
Oblys ákiminiń orynbasary Ashat Oralov sheteldik meımandy óńirlik etno-mádenı birlestikterdiń qyzmetimen tanystyrdy. Qazir jergilikti Assambleıada 24 birlestik, 50 shyǵarmashylyq ujym qyzmet isteıdi.
Sonymen birge Qant Dárjuman atyndaǵy Ulttyq jańǵyrý mektebinde 18 tildik úıirme, bolgar tilinen sabaq beretin mektep te bar. Mektepte Bolgarııadan kelgen oqytýshy dáris berýde.
- Ártúrli ulttarǵa degen qoldaýlary úshin qazaq eline alǵys bildiremin, - deıdi Ilııana Iotova. – Meniń saparymnyń maqsaty – Jańǵyrý mektebinde bolgar tilin oqytýǵa qoldaý kórsetý, bolgar tarıhy, mádenıeti men tilin úıretetin jeksenbilik mektep ashý.
Al Valentına Shatova basqaratyn oblystyq «Bolgar ulttyq mádenı ortalyǵy” qoǵamdyq birlestigi 2002 jyly quryldy. Ortalyqta “Lazarkı”, “Blgarska Roza” shyǵarmashylyq ujymdary jumys isteıdi. Birlestik “Rodno slovo”, “Raýshan gúlder merekesi” sııaqty ulttyq merekelerin ótkizedi. Ortalyq Respýblıkalyq bolgarlar ortalyǵymen tyǵyz baılanysta.
Sonymen birge óńirdegi Aqtoǵaı, Ertis, Qashyr aýdandarynda bolgar ortalyǵynyń fılıaldary bar.
Jergilikti bolgarlar ata-babalarynyń qazaq dalasyna H ǵasyrdyń basynda qazaq dalasyna Ýkraına jáne Bessarabııadan, ekinshi tolqyny da 1941-44 jyldary Qyrym men Bessarabııa bolgarlary kúshtep qonys aýdarǵandaryn eske alady.
Bul kúnderi elimizde turatyn 4,5 myń bolgar halqynyń bizdiń óńirimizde bir myńǵa jýyǵy tynyshtyq pen birlikte ómir súrýde.
О́ńirge kelgen Ilııana Iotovany oblys ákimi Bolat Baqaýov qabyldady. Kezdesý barysynda taraptar ekijaqty áriptestikti damytý máselelerin qarastyrdy.
Bolat Baqaýov pen Ilııana Iotova iskerlik, mádenı-gýmanıtarlyq qarym-qatynastardy nyǵaıtýǵa múddeliligin tanytty.
Bul kúnderi eki el arasyndaǵy qarym-qatynastardyń damýyna halqymyzdyń ajyramas bóligine aınalǵan bolgar dıasporasy da úles qosýda.
Kezdesý sońynda bolgar delegasııasy «Dostyq úıindegi» shyǵarmashylyq ujymdardyń oryndaýyndaǵy konserttik baǵdarlamany tamashalady.
Pavlodar oblysy
Sýrettedi túsirgen Dıana Jaqypova
