M.Tólebaevtyń 100 jyldyǵyna arnalǵan eskertkish monetany aınalysqa shyǵarý týraly
Senbi, 2 naýryz 2013 8:15
Qazaqstan Respýblıkasy Ulttyq Bankiniń № 6 baspasóz relızi 2013 jylǵy 1 naýryz
M.Tólebaevtyń 100 jyldyǵyna arnalǵan eskertkish monetany aınalysqa shyǵarý týraly
Qazaqstan Respýblıkasynyń Ulttyq Banki 2013 jylǵy 1 naýryzdan bastap M. Tólebaevtyń 100 jyldyǵyna arnalǵan, neızılber qospasynan jasalǵan nomınaly 50 teńgelik eskertkish monetany aınalysqa shyǵarý týraly habarlaıdy.
Senbi, 2 naýryz 2013 8:15
Qazaqstan Respýblıkasy Ulttyq Bankiniń № 6 baspasóz relızi 2013 jylǵy 1 naýryz
M.Tólebaevtyń 100 jyldyǵyna arnalǵan eskertkish monetany aınalysqa shyǵarý týraly
Qazaqstan Respýblıkasynyń Ulttyq Banki 2013 jylǵy 1 naýryzdan bastap M. Tólebaevtyń 100 jyldyǵyna arnalǵan, neızılber qospasynan jasalǵan nomınaly 50 teńgelik eskertkish monetany aınalysqa shyǵarý týraly habarlaıdy.
Monetanyń bet jaǵynda (aversinde) joǵarǵy bóliginde Qazaqstan Respýblıkasynyń Eltańbasy beınelengen. Eltańba beınesiniń oń jaǵynda «QUB» degen abbrevıatýra ornalasqan. Tómengi bóliginde monetanyń nomınalyn bildiretin «50 TEŃGE» degen jazý bar. Nomınaldyń sol jáne oń jaǵynda ulttyq oıý-órnek elementi beınelengen. Aınaldyra memlekettik tilde «QAZAQSTAN ULTTYQ BANKI» degen jazý jáne shyǵyńqy jıek bar.
Monetanyń syrt jaǵynda (reversinde) nota joldarynyń aıasynda M. Tólebaevtyń Almaty qalasynda ornalasqan eskertkishi beınelengen. Sol jaǵynda memlekettik tilde «MUQAN TО́LEBAEV» degen jazý jáne týǵan jyly men monetanyń soǵylǵan jylyn bildiretin «1913-2013» degen sandar bar. Aınaldyra shyǵyńqy jıek júrgizilgen.
Monetanyń bet jáne syrt jaǵyndaǵy beıneler men jazýlar bederli.
Qyry (gýrty) bederli.
Moneta «neızılber» qospasynan jasalǵan, dıametri – 31 mm, massasy – 11,17 gramm, taralymy – 100 myń dana.
Nomınaly 50 teńgelik eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq, shottarǵa, salymdarǵa, akkredıtıvterge esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Qazaqstan Respýblıkasy Ulttyq Bankiniń túsindirmesi
2013 jylǵy 13 naýryzda kompozıtor, pedagog jáne qoǵam qaıratkeri, KSRO halyq ártisi, Qazaq KSR eńbek sińirgen óner qaıratkeri, KSRO Memlekettik syılyǵynyń laýreaty Muqan Tólebaıuly Tólebaevtyń týǵanyna 100 jyl tolady.
Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵy bar respýblıkalyq memlekettik kásiporny daıyndaǵan.
Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Ulttyq valıýta – Qazaqstan teńgesi banknottary men monetalary dızaınynyń tujyrymdamasyna sáıkes ázirlengen.
Eskertkish monetalardyń bir myń danasy arnaıy plastıkalyq termovakýýmdy oraýmen satýǵa arnap shyǵaryldy.
Monetalardy Qazaqstan Respýblıkasy Ulttyq Bankiniń barlyq fılıaldarynda satyp alýǵa bolady. Almaty qalasyndaǵy meken-jaıy: Panfılov kóshesi, 98. Anyqtama telefony (727) 273-83-98.
Barynsha jan-jaqty aqparatty myna telefondar arqyly alýǵa bolady:
+7 (727) 2704-639,
+7 (727) 2704-998;
E-mail: press@nationalbank.kz
