Oblystyń bas polıseıi kenshiler shaharyna jasaǵan sapar barysynda jergilikti polısııanyń front-keńsesinde azamattardy jeke qabyldap, «Qostanaı avtovokzaly» iri avtokásipornyna bardy. Bul kásiporynda 200 júrgizýshi jumys isteıdi. Olar tek oblys ishinde ǵana emes, sonymen qatar, odan tys jerlerge de tasymaldaıdy. Kásiporyn basshysy Botagóz Bopataeva búgingi tańda bul salada eki úlken másele bar ekenin aıtty. Ol – zańsyz tasymaldaýshylar men tehnıkalyq tekserý sapasy.
- Bizde 200 avtobýs bar. О́tken jyly qoǵamdyq kólikti tehnıkalyq tekserý úshin sapaly jabdyqtar satyp alyndy. Bizde kez kelgen kólik tehnıkalyq baıqaýdan óte alady. Biraq búginderi osyndaı qyzmetti eshqandaı tekseristen ótkizbeı, «vatsap» arqyly satatyndar paıda boldy. Kóptegen adam lısenzııa alady, avtobýstyń qaı jerge baratynyn aıtpaǵanda, qajetti jabdyqtary joq. Bul rette tehnıkalyq baıqaýdan ótkendigi týraly talon beriledi, - dedi B.Bopataeva.
Kásiporyn basshysynyń bul sózin kezdesýge kelgen júrgizýshiler de qostady. B.Aımaǵambetov kásiporynda jasalǵan jaǵdaılardy qarap shyǵyp, shyn máninde munda kólikti tekserý shuńqyrlary, arnaıy jabdyqtar bar ekenine kóz jetkizdi.
- Eger qoǵamdyq kólikter osyndaı tehnıkalyq baıqaýdan ótse, kóptegen másele sheshiler edi. Búgin elimizde birneshe iri jol-kólik oqıǵasy boldy. Biz kóliktik baqylaý ókilderimen birlese otyryp, barlyq júrgizýshi kóliktiń tehnıkalyq jaǵdaıyn sapaly tekserýden ótkizý tetikteri týraly máseleni pysyqtap jatyrmyz, - dep atap ótti polısııa general-maıory.
Departament basshysymen ótken kezdesýde júrgizýshiler taǵy bir problemany kóterdi. Bul – zańsyz tasymaldaýshylar. 46 jyl avtobýs tizgininde kele jatqan Vladımır Býblık tasymaldaýmen aınalysatyn taksı júrgizýshileri, sondaı-aq, avtobýs júrgizýshileri jylyna eki ret tehnıkalyq baıqaýdan ótýge mindetti ekenin atap ótti. 6 qazanda Qostanaıda taksı kóligi janyp, júrgizýshi zardap shekti. Kóbine taksıler aqshany oılap, qaýipsizdikti esten shyǵarady deıdi ol.
- Biz taksı júrgizýshilerdiń avtovokzalǵa kirip, jolaýshylardy jınaıtynyn kórip júrmiz. Qazirdiń ózinde Qashar kentine baratyn avtobýsty toqtattyq, óıtkeni paıda joq. Sonymen qatar bizdiń avtobýstarǵa únemi tehnıkalyq baqylaý júrgiziledi, - dedi júrgizýshi.
Beket Aımaǵambetovtiń aıtýynsha, bul másele burynnan bar.
- Men Qostanaı aýdanynda azamattardy qabyldadym, sol jerde tasymaldaýshylar maǵan shaǵymdanyp, narazylyqtaryn bildirdi. Jergilikti polısııa qyzmeti atalǵan máselelerdi tekserý úshin reıdter ótkizýde, - dep atap ótti PD bastyǵy.
Beket Aımaǵambetov atap ótkendeı, oblysta «Avtobýs» jedel aldyn alý is-sharalarynyń birinshi kúni avtobýs júrgizýshileriniń 97 buzýshylyǵy anyqtaldy, onyń ishinde kóliktiń tehnıkalyq jaǵdaıyna baılanysty 6 buzýshylyq tirkelgen.
