Nursultan Nazarbaev Ázer­baıjan Prezıdenti Ilham Álıevpen kezdesti

Ekijaqty kezdesý barysynda Nursultan Nazarbaev Qazaqstan men Ázerbaıjan arasyndaǵy qarym-qatynastyń serpindi damyp kele jatqanyn atap ótti.

– Búgin men sizderge alǵash ret basqa mártebemen kelip turmyn. Qazaqstanda táýelsizdikti nyǵaıtý jáne ekonomıkalyq damýdyń baǵdarlamalaryn júzege asyrý boıynsha qolǵa alynǵan jumystar jalǵasyn tabýda. Baýyrlas eki eldiń baılanysy ýaqyt ótken saıyn bekip jatyr. Qazirgi tańda bizde yntymaqtastyqty keńeıtýdiń múmkindigi mol. Qazaqstan-Ázerbaıjan saýda-sattyq kólemin arttyrý qajet. Biz tıisti logıstıkany qalyptastyrdyq. Men Qurmetti Tóraǵa mártebesin rızashylyqpen qabyl aldym. О́ıtkeni bizdiń memleketterimizdiń yntymaqtastyǵyn nyǵaıtýǵa áli de úlesimdi qosqym keledi, – dedi Elbasy.

О́z kezeginde Ilham Álıev Elbasyna Túrki keńesine qatysý úshin arnaıy at basyn burǵanyna alǵysyn bildirip, onyń ekijaqty qarym-qatynastardy nyǵaıtýǵa sińirgen eńbegin erekshe atap ótti.

– Biz úshin Ázerbaıjan jerinde Qazaqstannyń Tuńǵysh Prezıdentin qarsy alý – úlken qurmet. Siz – Ázerbaıjannyń úlken dosysyz. Kóptegen halyq­aralyq másele boıynsha Siz biz­diń elimizdi árdaıym qoldap kele­siz. Túrkitildes elder arasyn­daǵy yntymaqtastyqty nyǵaıtý isine de qosqan úlesińiz orasan. Biz mereıtoılyq sammıttiń Bakýde ótetinine óte qýanyshtymyz, – dedi Ázerbaıjan Prezıdenti.

Buǵan qosa Ilham Álıev Qazaqstannyń jańa astanasyn salýy Baký qalasyn damytý jolynda úlgi bolǵanyn aıtty.

– Men sizderdiń elor­da­la­ryńyz­dyń qarqyndy ózgerip jat­qa­nyn kórip otyrmyn. EKSPO kór­mesine qatysqan kezimde qu­ry­lys aýqymyna jáne sáýlet sheber­ligine qaıran qaldym. Qazaq­stannyń barlyq jetistigi Siz­diń atyńyzben tikeleı baılanysty, – dedi Ázerbaıjan Prezıdenti.

Orynbek О́TEMURAT,

«Egemen Qazaqstan» – Bakýden (Ázerbaıjan)