Skopedegi matchtyń alǵashqy jarty saǵatynda alań ıeleri damylsyz shabýyldady. Bizdiń aıyp alańymyzǵa birneshe ret basa-kóktep kirgen olar Muhamedjan Seısen qorǵaǵan qaqpany jıi nysanaǵa aldy. Onyń aqyry gol soǵylýmen aıaqtaldy. 20-mınýtta «Nıtrýdyń» jartylaı qorǵaýshysy Mılan Rıstovskı óz komandasyn alǵa shyǵardy – 1:0.
Odan keıin de Makedonııa quramasy qarqynyn esh báseńdetken joq. Desek te bóten alańǵa ábden boı úıretkennen keıin bizdiń jigitter belsendi qımyldap, ara-tura qarymta shabýyldar uıymdastyra bastady. Sonyń biri óz jemisin berdi. 75-mınýtta Oralhan О́mirtaev mergendik tanytyp, tarazy basyn teńestirdi – 1:1. Bul esep kezdesýdiń sońyna deıin saqtaldy.
Qazirgi kezde Makedonııa men Qazaqstan quramalary «F» tobynda ekinshi jáne úshinshi oryndy ózara bólisýde. Árqaısynda 7 upaıdan bar. Al kósh basynda – Ispanııa. Pıreneı túbeginiń túlekteri 9 upaıdy oljalap otyr. Osy oraıda, jerlesterimizdiń joǵaryda atalǵan qos komandadan eki oıyn artyq ótkizgenin eskergen jón
