Forýmnyń ashylýy barysynda kelgen qonaqtarǵa qoshemetin bildirgen IýNESKO Mádenıetterdi jaqyndastyrý ortalyǵynyń dırektory, qoǵam qaıratkeri Oljas Súleımenov taqyryptyń aýqymdylyǵyn qozǵap, búginde álem úshin turaqtylyq pen beıbitshiliktiń mańyzdy ekendigin atap ótti.
Forýmǵa arnaıy kelip, quttyqtaý lebizderin aıtqan Qazaqstandaǵy konsýldyqtardyń ókilderi júzden astam ulttar men ulys ókilderin tynyshtyqta ustap otyrǵan el bıligine alǵysyn bildirdi.
Álemdik dıalog pen mádenıettiń ózara árekettesýi adamzattyń damýynda sheshýshi rólge ıe. Forým alańynda kezdesken álem ǵalymdary musylman áleminiń órkenıet keńistigindegi úlesi, ǵylymnyń árbir salasynyń damýyndaǵy ıgi jetistikterin sóz etti. Qazaqstandyq ǵalymdar Á.Derbisáli, Ǵ.Mutanov, Fransııadan A.Fıshler, AQSh-tan D.Petrık, Úndistannan M.Haıder, Reseıden R.Valeev, О́zbekstannan F.Mýmınova, t.b. zertteý baǵyttary boıynsha baıandama jasady.
Shyǵys pen Batystyń aǵartýshylarynyń oılary adamzat órkenıetiniń damýyna, mádenıetterdiń jaqyndasýy men ǵalamdyq sananyń qalyptasýyna tıgizetin áserin kórsetýdi maqsat etetin forým Batys pen orta ǵasyrdyń túrki-arab-musylman álemi: bilim estafetasy; beıbitshilik pen turaqty damýdyń qaınar kózi - bilim mádenıeti; mádenıetterdi jaqyndastyrýdyń jáne ǵalamdyq sananyń qalyptasýynyń negizi - dáleldi dıalog úsh seksııa boıynsha ótýde.
ALMATY
