Búgin taǵy birneshe salmaq dárejeleri boıynsha ótetin básekelerdi tamashalaımyz. Uldar saıysynda 81 kılo salmaqta Aıbol Nysanáli kúsh synasady. Birden ekinshi kezeńge joldama alǵan qandasymyz grýzııalyq Vladımı Akalhatsı men molovalyq Gatalın Marıan arasyndaǵy básekeniń jeńimpazymen kezdesedi. 90 kılo salmaqtaǵy Beksultan Ánýaruly japonııalyq Kosýke Mashııamımen aıqasady. Qyzdar arasyndaǵy 70 kılo salmaqta Móldir Narynova tatamıge shyǵady. Ol da alǵashqy aınalymda bos. Odan keıin qazaq qyzy koreıalyq Djýıýng Iаng nemese portýgalııalyq Joana Krısostomomen sheberlik baıqasady.
Erteń alyptardyń aıqasyn tamashalaımyz. 100 kılo salmaqtaǵy Bekarys Sádýaqas saıysqa túsedi. Jasóspirimderdiń Dúnıejúzilik Olımpıadasynyń jeńimpazy degen ataǵy bar qazaqtyń nar tulǵaly balýany tusaýkeser kezdesýin tatamı qojaıyny Muhammed Lahboýbqa qarsy ótkizedi. +100 kılo salmaqtaǵy Ilııas Qalıdolda Bosnııa men Gersegovına ókili Vasılıı Výıchıchpen beldesedi.
Jarystyń sońǵy kúni aralas komandalyq saıys ótedi.
