Uldar saıysynda 81 kılo salmaqta Aıbol Nysanáli kúsh synasty. Alǵashqy aınalymda basy bolǵan qandasymyz kelesi kezeńde grýzııalyq Vladımı Akalhatsıden aılasyn asyra almady. 90 kılo salmaqtaǵy Beksultan Ánýaruly japonııalyq Kosýke Mashııamaǵa jol berdi.
Qyzdar arasyndaǵy 70 kılo salmaqta Móldir Narynova tatamıge shyqty. Alǵashynda portýgalııalyq Joana Krısostomony qapy qaldyrǵan ol ekinshi kezdesýinde germanııalyq Marlendı Galanıden jeńildi. Jubanysh básekesinde qazaq dzıýdoshysy fransııalyq Mogane Fereoldyń osal tusyn taba almady.
Búgin biz alyptardyń aıqasyn tamashalaımyz. 100 kılo salmaqta Bekarys Sádýaqas saıysqa túsedi. Jasóspirimderdiń Dúnıejúzilik Olımpıadasynyń jeńimpazy degen ataǵy bar qazaqtyń nar tulǵaly balýany tusaýkeser kezdesýin tatamı qojaıyny Muhammed Lahboýbqa qarsy ótkizedi. +100 kılo salmaqtaǵy Ilııas Qalıdolda Bosnııa men Gersegovına ókili Vasılıı Výıchıchpen beldesedi.
Jarystyń sońǵy kúni aralas komandalyq saıys ótedi.
