Konferensııa birneshe blokqa bólingen. Ár blok ártúrli taqyrypqa arnalǵan. Uıymdastyrýshylardyń aıtýynsha, negizgi konsepti teatrmen baılanystyrýǵa tyrysqan. Bárimizge belgili, teatr kıimilgishten bastalǵandaı, konferensııanyń da alǵashqy taqyryby qaýipsizdik sharalaryna qatysty boldy. Osy oraıda Kaspersky kompanııasynyń Ortalyq Azııadaǵy atqarýshy dırektory Evgenıı Pıtolın «Sıfrly memleket: jańa qorǵaýshylar» taqyrybynda baıandama jasap, sıfrlandyrý salasyndaǵy jańalyqtarmen bólisti. Sonymen qatar Sıfrlyq damý, ınnovasııalar jáne aeroǵarysh ónerkásibi vıse-mınıstri Ashat Orazbek, Bilim jáne ǵylym vıse-mınıstri Rústem Bıǵarı de qatysýshylarmen kıbershabýyl, kıberqaýipsizdik quraldary men tehnologııalary taqyrybyn talqylady.
Konferensııanyń ekinshi bóliminde aqparattarǵa shabýyl jasaý, BAQ pen medıa salasyndaǵy shabýyldar, jalǵan aqparatty tekserý, kıberqaýipsizdikti memlekettik dárejede sheshý men bılik ókilderin oqytý, biliktiligin arttyrý máseleleri tóńireginde áńgime órbip, qatysýshylar Aqparat jáne qoǵamdyq damý mınıstrliginiń ókiline, «BZJQ» AQ ókiline suraqtaryn qoıdy. Aqparat komıteti tóraǵasynyń orynbasary Mıhaıl Komıssarov Halyqqa qyzmet kórsetý ortalyǵyndaǵy jańa tehnologııalar men atalǵan sektordaǵy kıberqaýipsizdik týraly baıandama jasady. Onyń aıtýynsha, búginde Halyqqa qyzmet kórsetý ortalyqtarynda kezek azaıǵan. Sarapshy buǵan osy saladaǵy jańa tehnologııalardy qoldaný nátıjesinde qol jetkizilgendigin aıtady. Al «Biryńǵaı jınaqtaýshy zeınetaqy qory» AQ ókili Elnur Shalkıbaev atalǵan uıymnyń kıberqaýipsizdik pen negatıvti aqparatpen kúresý tájirıbelerimen bólisti.
Konferensııa eki kúnge sozyldy. Microsoft, Astana LRT, Oberig IT sııaqty alyp kompanııalardyń ókilderi qatysqan jıynda aqparattyq tehnologııalar salasyndaǵy jas mamandarǵa suhbattasý, tájirıbe jınaý sekildi múmkindikter jasady.
