Olardyń qatarynda Qarakereı Qabanbaı batyrdyń qanjary, jergilikti halyqtan jınalǵan jáne jyl saıyn mýzeıge syı retinde tapsyrylyp jatqan qundy dúnıeler bar. Mýzeı ashylǵan 1978 jyly 300-ge jýyq eksponat qana bolǵan eken. Kóptegen jádigerler sol kezdegi Mádenıet mınıstriniń orynbasary О́.Jánibekovtiń bastamasymen jergilikti halyq arasynan jınalǵan. Tarıhı derekterge kóz júgirter bolsaq, mýzeıge syı tartý áıgili qolbasshy Ámir Temir zamanynan bastaý alady. Qolbasshynyń buıryǵymen quıylyp, kesenege syıǵa berilgen, halyq óneriniń laǵyl marjandarynyń qataryna jatatyn, altyn-kúmis jalatylǵan 6 dana shyraǵdan men taıqazan, laýha syndy jádigerler sonyń bir dáleli.
Aıta ketelik, mýzeıge syı jasaýshy tulǵalar arasynda Elbasy N.Nazarbaev, Túrkııanyń 2007-2014 jyldar aralyǵyndaǵy prezıdenti Abdýlla Gúl, О́zbekstan Respýblıkasynyń tuńǵysh prezıdenti I. Karımov, Túrkııa ókiletti keńesiniń tóraǵasy Namyk Kemal Zeıbek bar.
Kórmeniń ashylýyna «Qoja Ahmet Iаsaýı murasy jáne Túrkistan» halyqaralyq ǵylymı - praktıkalyq konferensııasyna kelgen qoǵam qaıratkerleri men otandyq jáne sheteldik belgili ǵalymdar, mýzeı salasynyń mamandary qatysty. «Áziret Sultan» memlekettik tarıhı-mádenı qoryq-mýzeıiniń dırektory Nurbolat Ahmetjanov mýzeı qoryn tolyqtyrý baǵytynda atqarylyp jatqan jumystar men kórmeniń maqsatyna toqtalyp, arnaıy kelgen qonaqtarǵa alǵysyn bildirdi.
Túrkistan oblysy
