Birinshi kezeńde esep ashylǵan joq. Úzilisten keıin Fransıs Pare aıdyn ıelerin alǵa shyǵardy. Desek te bizdiń jigitter de qarap qalǵan joq. Sol kezeńniń aıaqtalýyna alty sekýndtaı ǵana ýaqyt qalǵanda Egor Petýhov tarazy basyn teńestirdi. Odan keıin tablodaǵy esep ózgermeı, oıyn overtaımǵa ulasty. Qosymsha ýaqytta da jeńimpaz anyqtalmady. Al býllıt soǵý barysynda «Barystyń» baǵy jandy – 2:1. Jeńis golynyń avtory – Darren Dıs.
Qazirgi kezde «Barys» turaqty birinshiliktiń jarys kestesinde besinshi orynda keledi. Osy kúnge deıin 19 kezdesý ótkizgen olardyń enshisinde 28 upaı bar. Kelesi oıynda jerlesterimiz erteń Iаroslavlde jergilikti «Lokomotıv» klýbyna qarsy ótkizedi.
