Serper syılyǵynyń laýreaty, aqyn Saıat Qamshyger qoldaý kórsetip, redaksııasyn jasaǵan ádebı jınaqqa ádebıet álemine alǵash qadam basyp, óz oı-sezimderin qaǵaz betine túsirgen qazaq fılologııasy bóliminiń 22 stýdentiniń shyǵarmalary engen. О́mirde bolǵan oqıǵalar jelisine qurylǵan jınaqtyń tusaýkeser rásimine SDÝ rektory Qýanysh Erǵalıev, «Pedagogıkalyq jáne gýmanıtarlyq ǵylymdar» fakýltetiniń dekany Talǵat Eshanov, sondaı-aq oqý ornynyń professorlyq-oqytýshylar quramy qatysty.
«Bulaq kórseń - kózin ash»,- demekshi, maqsatymyz - jas qalamgerlerdiń qabiletin ashý, ádebıet pen ónerge qushtarlyǵyn arttyrý, qazaq ádebıeti men prozasyna jańashyl lep ákeletin jas esimder men avtorlardy ósirý, respýblıkalyq deńgeıde nasıhattaý. Oqý baǵdarlamasy aıasynda bul toppen birneshe jobany júzege asyrýdamyz. «Jas qalamger» jobasy boıynsha áńgime jazýdan saıys uıymdastyryp, nátıjesinde úzdik shyǵarmalardy iriktep baspadan shyǵaramyz. Aldaǵy ýaqytta shákirtter osy kitaptyń jalǵasy retinde sheteldik ertegilerdi qazaq tiline tárjimalap, jaryqqa shyǵarýdy josparlap otyr, - dep atap ótti joba jetekshisi, SDÝ oqytýshysy Qanat Ibragımov.
Jınaq avtorlary aldaǵy ýaqytta mundaı is-sharalardyń aýqymyn keńeıtip, respýblıkalyq deńgeıdge shyǵaryp, eldiń túkpir-túkpirindegi jas talanttardyń belsendiligin arttyrýdy maqsat etedi. Jınaq 3000 danamen elimiz aımaqtaryna joldandy.
