Qazaqstan Respýblıkasy Indýstrııa jáne jańa tehnologııalar mınıstrliginiń buıryǵy № 497

Beısenbi, 25 sáýir 2013 0:42

2012 jylǵy 28 jeltoqsan Astana qalasy

Taýar shyǵarylǵan eldi, Keden odaǵy taýarynyń nemese shetel taýarynyń mártebesin aıqyndaý jónindegi sarapshy-aýdıtorlar qyzmetterin júzege asyrý qaǵıdalaryn bekitý týraly

«Tehnıkalyq retteý týraly» Qazaqstan Respýblıkasynyń 2004 jylǵy 9 qarashadaǵy Zańynyń 16-1 baby 7-tarmaǵyna sáıkes, buıyramyn:

1. Qosa berilip otyrǵan Taýar shyǵarylǵan eldi, Keden odaǵy taýarynyń nemese shetel taýarynyń mártebesin anyqtaý jónindegi sarapshy-aýdıtorlar qyzmetterin júzege asyrý qaǵıdalary bekitilsin.

Beısenbi, 25 sáýir 2013 0:42

2012 jylǵy 28 jeltoqsan Astana qalasy

Taýar shyǵarylǵan eldi, Keden odaǵy taýarynyń nemese shetel taýarynyń mártebesin aıqyndaý jónindegi sarapshy-aýdıtorlar qyzmetterin júzege asyrý qaǵıdalaryn bekitý týraly

«Tehnıkalyq retteý týraly» Qazaqstan Respýblıkasynyń 2004 jylǵy 9 qarashadaǵy Zańynyń 16-1 baby 7-tarmaǵyna sáıkes, buıyramyn:

1. Qosa berilip otyrǵan Taýar shyǵarylǵan eldi, Keden odaǵy taýarynyń nemese shetel taýarynyń mártebesin anyqtaý jónindegi sarapshy-aýdıtorlar qyzmetterin júzege asyrý qaǵıdalary bekitilsin.

2. Qazaqstan Respýblıkasy Indýstrııa jáne jańa tehnologııalar mınıstrligi Tehnıkalyq retteý jáne metrologııa komıteti (R.A. Sátbaev) osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne buqaralyq aqparat quraldarynda resmı jarııalanýyn zańnamada belgilengen tártipte qamtamasyz etsin.

3. «Taýar shyǵarylǵan eldi, Keden odaǵy taýarynyń nemese shetel taýarynyń mártebesin aıqyndaý jónindegi sarapshy-aýdıtorlar qyzmetterin júzege asyrý erejesin bekitý týraly» Qazaqstan Respýblıkasy Indýstrııa jáne saýda mınıstrliginiń 2009 jylǵy 29 qazandaǵy № 291 buıryǵynyń kúshi joıyldy dep tanylsyn (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde 2009 jylǵy 10 qarashada № 5849 bolyp tirkelgen jáne 2010 jylǵy 18 aqpanda № 25 «Zań gazetinde» jarııalanǵan).

4. Osy buıryqtyń oryndalýyn baqylaý Qazaqstan Respýblıkasy Indýstrııa jáne jańa tehnologııalar vıse-mınıstri Q.A. Týleýshınge júktelsin.

5. Osy buıryq onyń alǵash resmı jarııalanǵan kúninen kúntizbelik on kúnnen keıin qoldanysqa engiziledi.

Qazaqstan Respýblıkasy  Indýstrııa jáne jańa tehnologııalar

mınıstriniń mindetin atqarýshy        A. RAÝ.

Qazaqstan Respýblıkasy Indýstrııa  jáne jańa tehnologııalar  mınıstriniń mindetin atqarýshysynyń  2012 jylǵy 28 jeltoqsandaǵy  №497 buıryǵymen bekitilgen

Taýar shyǵarylǵan eldi, Keden odaǵy taýarynyń nemese shetel taýarynyń mártebesin aıqyndaý jónindegi sarapshy-aýdıtorlar qyzmetterin júzege asyrý qaǵıdalary

1. Jalpy erejeler

1. Osy Taýar shyǵarylǵan eldi, Keden odaǵy taýarynyń nemese shetel taýarynyń mártebesin aıqyndaý jónindegi sarapshy-aýdıtorlar qyzmetterin júzege asyrý qaǵıdalary (budan ári – Qaǵıdalar) «Tehnıkalyq retteý týraly» Qazaqstan Respýblıkasynyń 2004 jylǵy 9 qarashadaǵy Zańyna sáıkes ázirlendi.

2. Qaǵıdalar taýar shyǵarylǵan eldi, Keden odaǵy taýarynyń nemese shetel taýarynyń mártebesin aıqyndaý jónindegi sarapshy-aýdıtorlar qyzmetteriniń jáne saraptama aktisin jasaý jáne berý tártibin aıqyndaıdy.

3.Osy Qaǵıdalarda mynadaı uǵymdar qoldanylady:

ótinish berýshi – taýardyń shyǵý tegi týraly sertıfıkatty alýǵa múddeli jeke nemese zańdy tulǵa;

saraptama uıymy – shtatynda taýardyń shyǵý tegin saraptaý, Keden odaǵy taýarynyń nemese shetel taýarynyń mártebesin aıqyndaý jónindegi jumystardy júzege asyratyn taýar shyǵarylǵan eldi, Keden odaǵy taýarynyń nemese shetel taýarynyń mártebesin aıqyndaý jónindegi sarapshy-aýdıtory bar zańdy tulǵa.

4. Taýardyń shyǵý tegin saraptaýǵa, Keden odaǵy taýarynyń nemese shetel taýarynyń mártebesin aıqyndaýǵa (budan ári – Saraptaý) mynalar kiredi:

1) Normatıvtik quqyqtyq aktilerdi memlekettik tirkeý tiziliminde № 7372 bolyp tirkelgen Qazaqstan Respýblıkasy Indýstrııa jáne jańa tehnologııalar mınıstri mindetin atqarýshysynyń 2011 jylǵy 2 jeltoqsandaǵy № 441 buıryǵymen bekitilgen Taýardyń shyǵi tegin rastaıtyn qujattar tizbesinde (budan ári – Tizbe) kórsetilgen qujattar jáne Qazaqstan Respýblıkasy Úkimetiniń 2009 jylǵy 22 qazandaǵy № 1647 qaýlysymen bekitilgen Taýar shyǵarylǵan eldi anyqtaý, taýardyń shyǵý tegi týraly saraptama aktisin jasaý jáne berý ári taýardyń shyǵý tegi týraly sertıfıkatty rásimdeý, kýálándirý jáne berý jónindegi erejeniń (budan ári – Taýar shyǵarylǵan eldi anyqtaý erejesi) 45-tarmaǵynda kórsetilgen qujattar saraptamasy;

2) syrtqy belgiler, tańbalaý boıynsha taýardy sáıkestendirý (ataýy, turpaty, túri, oramasy, klasy, daıyndaýshy kásiporyn);

3) jetkilikti qaıta óńdeý ólsheminiń sáıkestigin aıqyndaý jáne taýardyń qosymsha qunyn aıqyndaý maqsatynda taýar shyǵarýdyń tehnologııalyq prosesiniń saraptamasy.

5. Biliktilik attestatyn alǵan jáne Taýar shyǵarylǵan eldi aıqyndaý jónindegi sarapshy-aýdıtorlardyń tizilimine engizilgen sarapshy-aýdıtor Keden odaǵy taýarynyń nemese shetel taýarynyń mártebesine saraptama júrgizedi jáne saraptamalyq qorytyndyǵa qol qoıady.

6. Sarapshy-aýdıtor taýardyń shyǵý tegin rastaıtyn qujattardyń tolyq paketimen ótinimdi usyný jáne tirkeý sátinen bastap eki jumys kúni ishinde taýardyń Saraptamany júzege asyrady.

2. Taýar shyǵarylǵan eldi, Keden odaǵy taýarynyń nemese shetel taýarynyń mártebesin aıqyndaý jónindegi sarapshy-aýdıtorlar qyzmetiniń tártibi

7. Taýar shyǵarylǵan eldi aıqyndaý, Saraptama aktisin qurastyrý jáne berý Qazaqstan Respýblıkasynan eksporttalatyn, keri eksporttalatyn taýarlarǵa jáne ishki aınalymǵa arnalǵan taýarlarǵa jasalady.

8. Qazaqstan Respýblıkasynan eksporttalatyn, keri eksporttalatyn taýardyń shyǵarylǵan elin aıqyndaý, Keden odaǵy taýarynyń nemese shetel taýarynyń mártebesin aıqyndaý úshin sarapshy-aýdıtor, taýar:

1) tolyǵymen qazaqstanda shyǵarylǵandyǵyn;

2) Qazaqstan Respýblıkasy Úkimetiniń 2010 jylǵy 30 jeltoqsandańy № 1478 qaýlysymen bekitilgen Táýelsiz Memleketter Dostastyǵynda taýarlardyń shyǵarylǵan elin aıqyndaý erejesi týraly kelisimde jáne Eýropalyq ekonomıkalyq qoǵamdastyqtyń № 2454/93 Reglamentinde keltirilgen taýardy jetkilikti dárejede qaıta óńdeý ólshemderin eskere otyryp (budan ári – taýarlardy jetkilikti dárejede qaıta óńdeý ólshemderin eskere otyryp, qazaqstanda shyǵarylǵan) qazaqstanda shyǵarylǵany;

3) Keden odaǵy;

4) shetelde shyǵarylǵandyǵyn belgileýi tıis.

9. Qazaqstan Respýblıkasynan eksporttalatyn, keri eksporttalatyn taýardyń Saraptamasymen baılanysty jumystardy sarapshy-aýdıtor Taýardyń shyǵarylǵan elin aıqyndaý erejesiniń 2-qosymshasyna sáıkes nysan boıynsha ótinim negizinde sharttyq jáne ótinish berýshi Tizbege sáıkes usynǵan qujattar paketi negizinde júrgizedi.

10. Saraptama nátıjesi boıynsha sarapshy uıym Taýardyń shyǵarylǵan elin aıqyndaý erejesiniń 3-qosymshasyna sáıkes nysan boıynsha Qazaqstan Respýblıkasynan eksporttalatyn, keri eksporttalatyn taýardyń shyǵý tegi týraly saraptama aktisin ótinish berýshige beredi, onda taýar:

1) tolyǵymen qazaqstanda shyǵarylǵan;

2) jetkilikti qaıta óńdeý ólshemin eskere otyryp, qazaqstanda shyǵarylǵany;

3) Keden odaǵy;

4) shetelde shyǵarylǵany kórsetiledi.

11. Ishki aınalymǵa arnalǵan taýardyń shyǵarylǵan elin, Keden odaǵy taýarynyń nemese shetel taýarynyń mártebesin aıqyndaý úshin, taýar:

1) tolyǵymen qazaqstanda shyǵarylǵan;

2) Taýar shyǵarylǵan eldi aıqyndaý erejesinde belgilengen taýardy jetkilikti qaıta óńdeý ólshemin eskere otyryp, qazaqstanda shyǵarylǵany belgilenedi.

12. Ishki aınalymǵa arnalǵan taýar shyǵarylǵan eldi aıqyndaý jónindegi saraptamamen baılanysty jumystardy sarapshy-aýdıtor Taýar shyǵarylǵan eldi aıqyndaý erejesiniń 5-qosymshasyna sáıkes nysan boıynsha ótinim negizinde sharttyq jáne 45-tarmaqta kórsetilgen qujattar paketi negizinde júrgizedi.

13. Saraptama nátıjesi boıynsha sarapshy uıym Taýar shyǵarylǵan eldi aıqyndaý erejesiniń 6-qosymshasyna sáıkes nysan boıynsha ishki aınalymǵa arnalǵan taýardyń shyǵý tegi týraly saraptama aktisin ótinish berýshige beredi, onda taýar:

1) tolyǵymen qazaqstanda shyǵarylǵany;

2) Taýar shyǵarylǵan eldi aıqyndaý erejesinde belgilengen taýardy jetkilikti qaıta óńdeý ólshemderin eskere otyryp, qazaqstanda shyǵarylǵany kórsetiledi.

Buıryq Qazaqstan Respýblıkasynyń Ádilet mınıstrliginde 2013 jylǵy 28 qańtarda Normatıvtik quqyqtyq kesimderdi memlekettik tirkeýdiń tizilimine № 8311 bolyp engizildi.