Baǵzy zamandardan búginge jetken halyqtyń mol murasyn saqtap, jazba jádigerlerdi halyq rýhanııatynyń qaınar kózindeı saqtap otyrǵan «Ǵylym ordasy» Ortalyq ǵylymı kitaphanasynyń Sırek kitaptar mýzeıinde HIH ǵasyrdyń sońy men HH ǵasyrdyń basynda ómir súrgen, máshhúr aqyn Musabek Baızaqulynyń týǵanyna 170 jyl tolýyna oraı ótti. Aıtýly is-shara Sırek kitaptar, qoljazbalar jáne ulttyq ádebıet bóliminiń qurylǵanyna 60 jyl tolýymen tuspa-tus kelip otyr.
Konferensııaǵa qatysqan «Ǵylym ordasy» RMK bas dırektorynyń ǵylymı-ınnovasııalar jáne halyqaralyq baılanys jónindegi orynbasary N.Seıdin, Ortalyq ǵylymı kitaphagna dırektory Q.Qaımaqbaeva, M.Áýezov atyndaǵy Ádebıet jáne óner ınstıtýty «Qoljazba jáne tekstologııa» bóliminiń meńgerýshisi T.Álbekov, «Abaıtaný jáne jańa dáýir ádebıeti bóliminiń meńgerýshisi S.Qorabaı, «Musabek Baızaquly» QQ atqarýshy dırektory Z.Orazbekova jáne t.b. ǵalymdar qatysyp, aqyn ómiriniń, shyǵarmashylyǵynyń erekshelikterine toqtaldy.
Búginde Musabek Baızaqulynyń kóptegen qoljazbalary Ortalyq ǵylymı kitaphananyń Qoljazbalar qorynda saqtalǵan. Dindar aqyn óleńderiniń basym kópshiligi adamgershilik pen ımandylyqqa, ádildik, keńpeıildilik qasıetterge arnalǵan. Bul qoljazbalarynda aqyn qazaq folkloryn, qazaq tarıhyn, aýyzsha ańyz, áńgime, maqal-mátelderdi sheber qoldana bilgen. Aqynnyń «Er Shora» dastany tarıhı jáne ádebı mazmuny jaǵynan asa qundy dúnıe. HVI ǵasyrda Noǵaı ordasynda ómir súrgen batyrdyń, erlik isterin aqyn shynaıy turǵyda jyrlap, tarıhı tulǵasyn naqtylap beredi. Onyń jyrlarynda aǵartýshylyq baǵytqa jón silteý, ǵylym,bilimge qaraı umtylý, óner, kásip úırenýge, iskerlikke shaqyrý bar.
Aqynnyń óleńderi, onyń ǵıbratty ósıetteri jastardy patrıottyq sezimde tárbıeleýde asa qundy deýge bolady. Onyń Sırek qorda saqtalǵan jyr-dastandary men halyq aýzynda saqtalǵan óleńderin jınastyryp, kitap retinde shyǵarý aldaǵy kúnniń enshisinde. Búginde Sırek kitaptar men qoljazbalar qorynda zertteýdi qajet etetin qanshama aqyn-jyraýlardyń qoljazbalary bar. Qor kúni búginge deıin memleket tarapynan júrgizilgen ádebı ekspedısııalardyń, baǵdarlamalardyń nátıjesinde elimizdiń tarıhy, ekonomıkasy, mádenıetine qatysty qoljazba, sırek kitaptarmen tolyǵyp, ǵalymdardyń eńbekterine arqaý bolyp otyr.
Qazirde Ortalyq ǵylymı kitaphananyń sırek qorynda XII, XVIII-XXI ǵǵ. qoljazba qujattary, VII-XXI ǵǵ. sırek ǵylymı basylymdar, qazaq, orys, shyǵys jáne t.b. tilderde jaryq kórgen sırek basylymdar, qoljazbalar bar. Bunyń ishinde «Handar shejiresi» (XVIII ǵ.), «Paıǵambarlar jáne qojalar shejiresi» (XIX ǵ.), «Abylaı hannyń Sibir áskerı shepteriniń qolbasshysy general-porýchık I.I. Shprıngerge jazǵan haty (1765-1767jj.)», sondaı-aq qazaq oıshyly, fılosof, tarıhshy M.J. Kópeevtiń, folklorshy, etnograf A.Dıvaevtyń, qazaq aqyny A.Qunanbaevtyń óziniń jeke hatshysy M. Bikeulynyń qolymen jazylǵan óleńderi, Evreı halqynyń dinı qoljazbasy «Tora» (XII-XVIII ǵǵ.),«Shahnamanyń» alǵashqy qazaq tilindegi aýdarmasy, Sh.Ýálıhanov qoljazbalarynyń fotokóshirmesi, M. Áýezovtiń qoljazbasy jáne t.b. Jaıaý Musanyń qoljazbalary jáne Y. Altynsarın, Sh.Ýálıhanovtyń, qazaq halqynyń tarıhyna, arheologııasyn jáne etnografııasyn zerttegen shyǵystanýshy ǵalymdardyń eńbekteri bar.
Qor mamandarynyń aıtýynsha, kitaphana oqyrmandaryna, ǵalymdarǵa Sırek qordaǵy eń qundy materıal retinde XVI-XX ǵǵ. basylǵan erekshe basylymdarmen jumys isteýge tolyqqandy múmkindik bar.
