Jambyl óńirindegi jarqyn joba

Alaıda qazir óńirde energııa tapshylyǵy ózekti másele bolyp otyr. Jambyl oblysynda atalǵan máseleni sheshý maqsatynda jańǵyrmaly elektr energııasy kózderin paıdalaný júıeli qolǵa alynyp keledi. Bul maqsatta óńirge tıisti ınvestısııalar da tartylýda.

Energııa tapshylyǵyn joıý maqsatynda óńirdegi stan­sa­lardyń qatary aldaǵy ýaqytta túrkııalyq «Global Stroı» jaýapkershiligi shekteýli serik­testiginiń kún elektr stansasymen tolyǵatyn bolady. Bul rette Jambyl oblysynyń ákimi Asqar Myrzahmetov túrkııalyq «Global Stroı» jaýapkershiligi shekteýli seriktestiginiń ókil­derimen kezdesip, kelisim arqyly ekijaqty memorandýmǵa qol qoıylǵan bolatyn. Qazir atalǵan kompanııa ókilderi óńirde 400 megavattyq kún elektr stansasyn salýǵa nıetti. Eger jo­ba júzege asqan jaǵdaıda óńir­de Ortalyq Azııadaǵy eń iri stan­sa­lar­dyń birinen sanalatyn «Bur­noye Solar-1» stansasynan tórt ese kóp elektr energııasyn óndiredi dep kútilýde. Bul maq­satta Asqar Myrzahmetov jer­gilikti bılik ınvestorlar­dy barynsha qoldaýǵa ázir ekenin, olarǵa qajetti jaǵdaı jasalatynyn aıtyp otyr. Bul úshin áýeli qajetti jer kólemin naqtylap, stansa salýǵa qolaıly aımaqty anyqtaý sharalaryn júrgizý mańyzdy bolyp otyr. Búgingi tańda oblysta qurylysy júrgizilip, nátıjesinde jumys istep jatqan jel, kún elektr stansalary bar. Bul rette aımaqtyń balamaly energııa óndirý baǵytynda aıtarlyqtaı tájirıbesi bar deýge bolady.

Sonymen keleshekte Áý­lıeata óńirinen áleýeti joǵary kún elektr stansasy boı kóte­redi. О́z sózinde «Global Stroı» jaýap­kershiligi shekteýli seriktes­tiginiń quryltaıshysy Býlgan Ahmet Dıýran men atal­ǵan kom­panııanyń bas dırektory Ýıgýn Eıýp Jambyl oblysy kún sáýlesi kóp túsetin óńir bol­ǵandyqtan tańdaý osynda túsip otyrǵanyn jetkizdi. Sonymen qatar, salynatyn stansaǵa jel men kúnniń qozǵalysyna yń­ǵaıly jańa tehnologııalardy paıdalanatyndaryn aıtyp, jumysty bastaýǵa daıyn eken­dikterin málimdedi. Sondaı-aq olar bolashaqta Qazaqstanda
8 myń megavattyq stansa salýdy da josparlap otyr eken. Al Jambyl óńirinen salynatyn kún elektr stansasy bolashaqta Ortalyq Azııadaǵy taǵy bir iri joba bolǵaly tur.

Jambyl oblysy