Qazaqstan Prezıdenti Qasym-Jomart Toqaev Koreıa Respýblıkasynyń Prezıdenti Mýn Chje Inniń anasy Kań Han Ok hanymnyń qaıtys bolǵany týraly habardy zor kúızelispen qabyldady.
«Ardaqty anańyz Kań Han Ok hanymnyń dúnıeden ozǵany týraly sýyt habarǵa oraı, Sizge jáne jaqyndaryńyzǵa kóńil aıtyp, orny tolmas qaıǵyńyzǵa ortaqtasamyn. Kań Han Ok hanymnyń jarqyn beınesi men izgilikti isteri týǵan-týystarynyń, sondaı-aq kóptegen otandastarynyń júreginde árdaıym saqtalatynyna senimdimin», delingen jedelhatta.
