Bala tili bal...
Alpamystyń apaıy aına aldynda boıanyp jatady. Alpamys apaıynan:
– «Bunyńyz ne?» – dep surap edi, ol:
– Oı, bul hımııa ǵoı... – deıdi kúlip.
Onyń ertesine apasyn taǵy da aına aldynan tapqan Alpamys:
– Apa, keshegi hımııa ma? –degen. Apasy:
– Iá, sol hımııa, – dep aına aldyna jaıǵasa bergende:
– Apa, onda búgin fızıka jasańyzshy, – dedi jalyna qarap.
***
Mektepten qaıtyp kele jatqan Bolattan baqylaýshy:
– Bıletiń búgingi me?–dedi.
– Iá, tańerteń erte alǵanmyn... – dep jaýap beripti.
***
– Mama, ózińizdi 8-shi mart merekeńizben quttyqtaımyn dep gúl ákele jatyr edim...
- E, onyń qaıda?
- Avtobýstan túse berip edim baqylaýshy tur eken, solarǵa «syılap» kettim...
***
Úsh jasar Alık:
- Mama, papamdikindeı qalyń murt qashan shyǵady?
- Úlkeıgende.
- Al, sizde nege joq?..
***
Jaılaýda, kıiz úıde qaladan kelgen bes jasar Bekirege anasy ashýlanyp:
- Kánekı, buryshqa tur, – dedi.
Sonda jan-jaǵyna baıyppen qaraǵan Bekire:
- Mama, úıdiń buryshy joq qoı... – dep kóńildenip sala berdi.
***
Alty jasar Aslan:
- Apam ótirik aıtypty, kóp vıtamıni bar dep úsh alma berip edi, bárin jaryp kórdim, eshqaısysynda vıtamın joq... – dep tańdandy.
***
Nemeresi:
- Ata men keıin dáý bolǵanda siz qandaı bolasyz?
- Kishireıip sen sııaqty bala bolamyn.
- Onda men sol kezde shashyńyzdy ósirmeı, ylǵı ustaramen taqyrlap, balabaqshadan erterek alyp turatyn bolamyn.
Erbol SYBANQUL
