Birde...
Professor Albert Shveıserdiń ár túrli saladan úsh doktorlyq ataǵy bolypty. Bir jıynda tabaqtas bolyp qalǵan tanysy Shveıserden úsh birdeı doktorlyq ataqty qalaı alǵanyn qyzǵanyshpen surasa kerek.
– О́ı, – depti professor qolyn jaıbaraqat qana bir siltep. – Meniń úshinshi doktorlyq ataǵymdy mende odan buryn ekeýi bar bolǵan soń berdi. Ekinshisin ǵylym doktory bolǵanym úshin usyndy. Al alǵashqy ataǵymdy mende eshqandaı ataq bolmaǵannan keıin aldym.
* * *
Zamanaýı kıinýdi unata bermeıtin belgili matematık Ostrogradskııge birde tiginshi jańa kostıým tigip beripti. Kııýden bas tartqan matematıkke ol:
– Men sońǵy sán úlgisinde tiktim. Zamannan qalyp qoıýǵa bolmaıdy! – dese kerek.
– Mynadaı tar shalbarmen zamandy qalaı qýyp jetpekpin?! – dep jorta qynjylypty sonda Ostrogradskıı.
* * *
Ataqty nemis aqyny Frıdrıh Shıller jas kezinde arfada oınaýdy jaqsy kórgen eken. Birde oǵan bir tanysy:
– Sen arfany Dáýit patsha sekildi tartady ekensiń… Tek ol sııaqty jaqsy dárejede emes, – depti.
– Al siz, – depti Shıller múdirmesten, – máseleni Súleımen patsha sııaqty talqylaıdy ekensiz. Tek ol sııaqty kemeńgerlikpen emes…
* * *
Ártúrli top ókilderimen bolǵan kezdesýde proletarıattyq ınternasıonalızm taqyrybynda sóıleı kelip ataqty aqyn Vladımır Maıakovskıı:
– Men ózimdi orystar ortasynda oryspyn dep sezinemin, al grýzın ortasyna tap bolsam ózimdi grýzınmin dep sezinemin, – deıdi.
Sol kezde zaldan bireý:
– Al aqymaqtar ortasynda she? – dep qalǵanda, aqyn saspastan:
– Aqymaqtar ortasyna birinshi ret tap kelippin! – degen eken.
