«Aqparattyq týrdyń maqsaty –ár óńirdiń týrıstik áleýeti jaıly málimet jınap, ishki týrızmniń damýyna serpin berý.
Týroperatorlardyń pikirinshe, tarıhy tereńnen bastaý alatyn Ejelgi Uly Jibek jolynyń boıyndaǵy qalalarǵa barýshylar sany kóp bolmaq. Oǵan sheteldik týrıster ǵana emes, qazaqstandyqtar da qyzyǵýshylyq tanytady degen senimde.
Sondaı-aq aqparattyq týrǵa qatysýshylar árbir óńirde kezdesetin, degenmen túp tamyry ortaq máseleniń barlyǵyn ańǵardy. Onyń ishinde, shet tilderin meńgergen ekskýrsııa júrgizýshi mamandardyń tapshylyǵy, týrıstik mańyzy bar nysandarda qolaıly jaǵdaıdyń joqtyǵy, meımandardy kútý mádenıetiniń áli qalyptasa qoımaǵandyǵy, shıpajaılarda em-domdy uzaq qabyldaıtyndarǵa arnaıy mádenı baǵdarlamanyń uıymdastyrylmaıtyny syndy máseleler tezdetip sheshimin tabýy tıis.
«Mundaı aqparattyq týrlardy uıymdastyrý arqyly biz elishilik týr baǵdarlamasyna qandaı nysandardy engizýge bolatynyn anyqtaı alamyz. Sondaı-aq bolashaǵy bar týrónimderdi qalyptastyrý úshin áli qandaı jumystar atqarylý qajettigi jaıly usynys bere alamyz», deıdi aqparattyq týrǵa qatysýshylardyń biri Saltanat Abjanova.
Týrızm salasynda tájirıbesi mol qyzmetkerdiń pikirinshe, dámhanalarda as mázirin úsh tilde jazý, mádenı baǵdarlamany qalyptastyrý syndy árbir usaq-túıek týrıstiń jadynda saqtalary anyq.
Esterińizge sala ketsek, osy jyldyń mamyr aıynda ótken respýblıkalyq aqparattyq týrǵa elimizdiń batysyndaǵy 4 aımaqtan jınalǵan týroperatorlar Nur-Sultan – Býrabaı – Shymkent – Saryaǵash – Almaty – Almaty oblysy – Shyǵys-Qazaqstan oblysy baǵyty boıynsha sapar shekken bolatyn», delingen habarlamada.
