«Búgin Halyqaralyq Túrki akademııasyna (International Turkic Academy) Majarstannyń Qazaqstandaǵy Tótenshe jáne ókiletti elshisi Antal Heızer arnaıy keldi. Jaqynda ǵana taǵaıyndalǵan Antal myrzanyń alǵashqy resmı kezdesýin Túrki akademııasynan bastap otyrýy beker emes.
Byltyr akademııaǵa baqylaýshy bolǵan, bıyl Býdapeshtte Túrki keńesiniń arnaıy ofısin ashqan Atılla urpaqtarynyń túrki yntymaqtastyǵyna yqylasy aıryqsha.
Osydan bes jyl buryn bastalǵan belsendi baılanystarymyz qysqa ýaqytta óz nátıjesin berdi.
Biz búgingi kezdesýde elshi myrzamen biraz máselelerdi pysyqtap aldyq. Aldaǵy josparlardy talqyladyq.
Jemisti ótken kezdesý úshin elshi myrzaǵa alǵys aıtamyz!»,dep jazdy D. Qydyráli.
