KО́MEK KERÝENI TOLASTAMAÝDA

Aǵaıynnyń qadiri basqa qıyn kún týǵanda bilinedi emes pe? Aqsý aýdanynyń Qyzylaǵash aýylynda bolǵan tasqynnan zardap shekken jurtshylyqtyń bul aqıqatqa kózi jete túskendeı. Máselen, Alataý­dyń arǵy betin jaılaǵan qyrǵyz baýyrlarymyz 20 naýryz kúni 9 “KamAZ” kóligimen kómekterin al­yp jetti. Qyrǵyzstannyń Tótenshe jaǵdaılar mınıstriniń orynbasary Aqyl Aıtbaev bastaǵan bir top aza­mat peshpen jylytylatyn pa­lat­kalarmen qosa sement pen shı­fer sı­ıaq­ty qurylys materıal­daryn ákelipti. Al 21 naýryz kúni Taldy­qorǵan qalasyna Qazaqstan halqy Assambleıasynyń quramyn­da­ǵy respýblıkalyq etnomádenı or­talyqtardyń kómek kerýeni at­basyn tiredi. Eń birinshi kezekte qajet azyq-túlik pen kıim-keshek, oqý qural-jabdyqtary men malǵa qurama jem jetkizgen bul kerýendi Qazaq­stan halqy Assambleıasy Tóraǵa­synyń orynbasary – hatshylyq meńgerýshisi Eraly Toǵjanov bastap keldi. Aǵaıynnyń basyna túsken aýytpalyqtan shet qala almaǵan “Evreı mádenı ortalyqtarynyń “Mısva” assosıasııasy” qoǵamdyq birlestiginiń prezıdenti Aleksandr Baron men dunǵan etnomádenı bir­lestikteri assosıasııasynyń pre­zı­denti Hýseı Daýrov, “Qazaq­stan ne­misteriniń “Vozrojdenıe” qoǵam­dyq birlestikteri” zańdy tulǵalar birlestiginiń tóraǵasy Aleksandr Dederer, “Ahyska” túrik ortalyǵy” qoǵamdyq birlestiginiń tóraǵasy Zııatdın Kasanov, Qazaqstan ko­reı­leri assosıasııasynyń prezı­denti Roman Kım, “Barbang” kúrd assosıasııasynyń tóraǵasy Knıaz Mırzoev, Qazaqstan halqy Assam­bleıasynan Parlament Májilisiniń depýtaty Leonıd Pıtalenko, “Qa­zaqstannyń tájik mádenı-qo­ǵam­dyq birlestikteri assosıasııasy” qo­ǵamdyq birlestigi tóraǵasynyń orynbasary Bekpýlat Tashpýlatov, “Ázirbaıjan mádenı-qoǵamdyq bir­lestikter kongresi” zańdy tulǵalar birlestiginiń prezıdenti Abılfas Ha­medov, Qazaqstan halqy Assam­bleıasynan Parlament Májilisiniń depýtaty Lıýdmıla Hochıeva, Be­la­rýs etnomádenı birlestigi tóra­ǵa­synyń orynbasary Petr Sehovoı, “Respýblıkalyq uıǵyr mádenı or­talyǵy” qoǵamdyq birlestiginiń tóraǵasy Ahmetjan Shardınovtar 22 naýryz kúni Qyzylaǵash aýy­lyn­da tasqynnan qaza bolǵandarǵa arnap quran oqytyp, as berdi. Keń jaıylǵan dastarqan basynda aǵaıyndy sabyrǵa shaqyryp, olardyń qıynshylyqta jalǵyz qalmaıtyndyqtaryn sezindirdi. Aǵaıyndyq synalar sátte ási­rese, túrik pen ázirbaıjan baý­yr­larymyz aıryqsha janashyrlyqta­rymen tanyldy. Olar eki birdeı júk kóliginde qyrýar zatpen qosa kómek qoryna 9 mıllıon teńge kó­lemindegi qarajat qosatyn­dyqta­ryn jetkizdi. “Ahyska” túrik orta­lyǵy” qoǵamdyq birlestiginiń tó­r­a­ǵasy Zııatdın Kasanov pen “Mem­lekettik tilge qurmet” birlestiginiń tóraıymy, “qanym ázirbaıjan bol­ǵanymen, janym qazaq” deıtin Asyly Osman júrekjardy tilek­terin aıtqannan keıin Almaty oblystyq máslıhatynyń depýtaty, kásipker Úseın Kasanov jańaǵy atalǵan qarjyǵa Qyzylaǵashqa kópshilikke arnalǵan monsha salyp beretindikterin jetkizdi. – Dana qazaǵym “qaıǵyny bó­lis­se jeńildeıdi” deıdi ǵoı. “О́mir qymbat, biraq bárinen de kóńil qymbat” degen taǵy bir ǵajap sóz bar. Sol aıtqandaı, biz bárimizdiń qabyrǵamyzdy qaıystyrǵan osy bir qaıǵyny bólisip, az da bolsa jeńildetý úshin kelip otyrmyz, – dedi Asyly Álıqyzy. – Qandas­tarymyz qazaqtyń bizge jasaǵan jaqsylyǵyn eshqashan umytpaıdy. Endeshe búgingi kúni biz de aıanyp qa­laıyn dep otyrǵan joqpyz. Bir Al­maty oblysynyń ǵana emes, Shym­kent pen Jambyldyń, tipti búkil Qazaqstannyń túrigi men ázirbaı­ja­ny osynaý ıgilikti iske óz úlesterin qosýda. Qysqa jibi kúr­meýge kelmeı júrgenderiniń ózderi de qoldaǵy baryn berýde. Kór­se­tilgen bul kómekti bizdiń qazaq hal­qyna degen ystyq yqylasymyzdyń bir belgisi dep qabyl alsa eken deımin. Qyzylaǵashtyq turǵyndar qa­na­tymen sý sepken qarlyǵashtaı bo­lyp kómek qolyn sozǵan aǵaıynǵa shyn kóńilden shyqqan alǵystaryn bildirdi. Búginde Qyzylaǵashtaǵy birlik birtindep qalpyna túsip keledi. Aý­ylǵa qaıtyp oralǵandar palatkadan jasalǵan ýaqytsha qalashyqqa or­nalastyryldy. Nebary úsh aıdyń ishinde salynyp bitýi tıis úılerdiń alǵashqy qazyǵy qaǵylyp, qurylys shyndap qarqyn ala bastady. Bú­ginde bul jumystarmen 47 qurylys mekemesi aınalysýda. Birneshe kún buryn tasqyn sý alyp ketken kópir qaıta salynyp, qatynas qalpyna keltirildi. Oblys basshylary qu­ry­lystyń toqtaýsyz júrip, zardap shek­kenderdiń eshteńeden tarshy­lyq kórmeýleri úshin qoldan kel­gen­niń bárin jasaýda. Kómek ke­rýe­ni bolsa, toqtaýsyz aǵylý ústinde. Kúmisjan BAIJAN, Almaty oblysy.