Qasym-Jomart Toqaev bilim baǵdarlamalary men oqytý deńgeıi zaman talabyna saı kelmeıtin joǵary oqý oryndarynyń lısenzııalaryn ózdiginen qaıtaryp alý máselesinde mınıstrlikti qoldady jáne atalǵan másele boıynsha zańnamalyq deńgeıde tıisti normatıvtik-quqyqtyq baza ázirleýdi tapsyrdy.
Sonymen qatar Prezıdent mınıstrlikke 12 jyldyq oqý merzimine qajetti ınfraqurylymdy, baǵdarlamalar men jalpy bilim júıesin daıyndaýǵa basymdyq bere otyryp, júıeli túrde, asyqpaı kóshý kerektigi jóninde tapsyrma berdi.
Respýblıkalyq bıýdjettiń oryndalýyn baqylaý jónindegi esep komıtetiniń tóraǵasy Natalıa Godýnova Qasym-Jomart Toqaevqa Qazaqstan halqyna arnalǵan Joldaýyndaǵy berilgen tapsyrmalardyń oryndalý barysyn baıandady.
Prezıdent kvazımemlekettik sektor jumysynyń tıimdiligi jaıyndaǵy taldaý nátıjelerimen tanysty. N.Godýnova birqatar óńirdegi, atap aıtqanda, Shyǵys Qazaqstan, Qostanaı oblystary men Almaty qalasyna, sondaı-aq, jekelegen memlekettik organdarǵa júrgizilgen aýdıt barysy jóninde málimet berdi. Kezdesý qorytyndysy boıynsha Memleket basshysy birqatar naqty tapsyrma berdi.
