Elordada Aqparat jáne qoǵamdyq damý mınıstrligi men «Rýhanı jańǵyrý» Qazaqstandyq qoǵamdyq damý ınstıtýty» kommersııalyq emes aksıonerlik qoǵamy «Qazaqstan etnostary: elimizdiń damýyna qosqan úlesteri. Biz birgemiz» taqyrybynda respýblıkalyq ǵylymı-tájirıbelik konferensııa ótkizdi.
Konferensııa jumysyna Qazaqstan halqy Assambleıasynyń, Memleket tarıhy ınstıtýtynyń, Sh.Ýálıhanov atyndaǵy tarıh jáne etnologııa ınstıtýtynyń ókilderi, sondaı-aq tarıh ǵylymy jáne etnologııa, etnosaralyq qatynastar, saıası zertteýler salasynyń jetekshi mamandary, memlekettik organdar men etnomádenı birlestikterdiń ókilderi qatysty.
– Qazaq halqy qaı zamanda bolsyn eldik, birlik, tatýlyq qaǵıdattaryn ustanyp keledi. Búginde ol Qazaqstannyń basty baǵdaryn tanytatyn, táýelsizdiktiń berik irgetasyn ańǵartatyn qaǵıdalardyń biri. Ulttyq tutastyq, ulttyq órkendeý – etnos ókilderi arasyndaǵy kelisimge negizdelgen. Bul máselede Qazaqstannyń beti ashyq, júzi jarqyn. Qazaq eli óz taǵdyry taýqymetke toly bolǵan kezde de ózgeni ózeginen tepken joq. Elbasy N.Nazarbaev eldegi etnosaralyq jáne konfessııaaralyq yntymaqtastyqty, kelisim men saıası turaqtylyqty saqtaý isine jiti kóńil bólip otyr, – dedi Qazaqstan halqy Assambleıasy Tóraǵasynyń orynbasary – Prezıdent Ákimshiligi Qazaqstan halqy Assambleıasy Hatshylyǵynyń meńgerýshisi Janseıit Túımebaev.
Qazaqstan aýmaǵynda ǵumyr keship, eńbek etken, jaýhar týyndylardy jaryqqa shyǵarǵan elimizdegi túrli etnos ókilderiniń ómiri men qyzmeti jyl kóleminde jan-jaqty zertteldi. Esimi el esinde saqtalǵan kórnekti tulǵalardyń qaı-qaısysy bolsyn, Otanymyzdyń tarıhy men mádenıetine zor úles qosqany belgili. Sondyqtan qaıratkerlerdiń ómiri men tarıhyn dáripteý – asa mańyzdy. Osy maqsatta Qazaqstannyń ár aımaǵynda zertteý jumystary júrgizildi. HIH-HHI ǵasyrlardaǵy tarıhı oqıǵalar, muraǵat derekteri, sheteldik derekkózder zerdelendi. Uly dala tósindegi mádenıettiń damýyna eńbegi sińgen aty áıgili tulǵalar, pedagogtar, ǵalymdar, aqyn-jazýshylar, qylqalam sheberleri, fotosýretshiler haqynda túrli málimetter jınaldy.
– Is-sharanyń osy taqyrypqa arnalýy kezdeısoq emes. О́zderińizge belgili, syn saǵattarda qazaq jerine kelgen kóptegen ult ókilderi bizdiń halqymyzdyń qamqorlyǵy men meıirimine bólendi. О́z kezeginde, olar da elimizdiń áleýmettik, mádenı, ekonomıkalyq damýyna ólsheýsiz úles qosty. Áli de qosyp keledi. Jasyratyny joq, egemendik alǵan soń keıbir postkeńestik elder durys etnosaralyq saıasat júrgizbeý saldarynan bilikti mamandaryn joǵaltyp, damý qarqyny ondaǵan jyldarǵa shegerildi. Osy tusta kópetnosty, kópkonfessııaly bizdiń elimizdiń erteńi týraly ártúrli kúmándi boljamdar aıtyldy. Alaıda Elbasy N.Nazarbaev kóregen etnosaralyq saıasat júrgizdi. Álemde teńdesi joq organ – Qazaqstan halqy Assambleıasyn qurdy. Osylaısha – bizder ár alýandyǵymyzdy artyqshylyǵymyzǵa aınaldyrdyq, – dedi Aqparat jáne qoǵamdyq damý mınıstri Dáýren Abaev.
Áýeli el damýyna eleýli úles qosqan 538 tulǵa zertteý nysany retinde tańdap alynǵan edi. Keıin ǵalymdar áńgimelesý alańdaryn uıymdastyryp, sol 538-diń arasynan esimi eń jarqyn degen 50 tulǵa turǵysynda «Qazaqstan etnostary: tulǵa, tarıh, estelik» atty kitap jaryq kórdi. Sondaı-aq tarıhı tulǵalar jaıly únemi jańartylyp otyratyn elektrondy málimetter bazasy da qolǵa alyndy.
Konferensııa barysynda «Rýhanı jańǵyrý» Qazaqstandyq damý ınstıtýty» kommersııalyq emes aksıonerlik qoǵamy men Sh.Ýálıhanov atyndaǵy tarıh jáne etnologııa ınstıtýty, Memleket tarıhy ınstıtýty arasynda memorandýmǵa qol qoıyldy.
Elordada Naýryz kóje daıyndaýdyń rekordtyq mejesi qoıyldy
Elorda • Keshe
Elimizde «Jer saǵaty» aksııasy ótedi
Qoǵam • Keshe
Bıylǵy Oraza kestesi jarııalandy
Din • Keshe
Almaty oblysynda Naýryz merekesi keń kólemde atap ótildi
Aımaqtar • Keshe
Uqsas jańalyqtar
