MÚMKINDIKKE ÚILES MINDET

Elimizdiń  ındýstrııalandyrý kar­tasyna engen 162 jobanyń 16-sy Qaraǵandy óńirinde iske asyrylǵaly tur. Solardyń ishinde Jańaarqa aýdany aýmaǵyndaǵy “Jalyn” jáne “Bapy” ken oryndarynda kómir, temir kon­sent­ratyn, “Sary Qazyna” kásip­ornynda mys óndirý, “QazBelAZ” birlesken óndirisin qurý sııaqty iri ister taıaý arada qolǵa alynady. Buǵan baılanysty búkil daıyndyq jumys­tary tolyǵynan aıaqtaldy. Jańaarqa jaqta tabylǵan kómir qory 50 mıllıon tonnany  quraıdy. Bıyl 500 myń tonna otyn jer-jerge jóneltiledi.  Al kelesi jyly óndirilý kólemi eki esege artatyndyǵy kútilýde. Ashyq ádispen shyǵarylatyn bul qazynanyń  aımaqtaǵy  jylý jáne elektr znergetıkasy salasynyń surany­myn qanaǵattandyrýǵa qosar úlesi úlken bolmaq. Janý qyzýy óte joǵary ári  uzaq saqtalatyn kómir sanalǵandyqtan ótimdiligine esh alańdaýshylyq joq. О́ndiris qyzǵan jerdiń tynysy da keńıtindigi belgili. Jumysyn bastamaq jańa ken oryndaryna  azamattardy  eńbekke qamtý júrgizilip jatyr. Jer­gilikti bılik organdarymen kelisimge sáıkes birinshi kezekte tıisti maman­dyqtary bar jastar óz óńirlerindegi ózgeristerdi órletýge tartylady. Indýstrııalyq-ınnovasııalyq  damýdy jedeldetýge kózdelgen  jobalardyń qatarynda Maıqudyq qus fabrıkasynyń qýatyn ulǵaıtý  mańyzdy oryn alady. Bul maqsat úshin 1 mlrd. 935 mıllıon teńge bólingen. Osydan-aq jumys aýqymdylyǵy qandaılyq ekeni ańǵarylatyny anyq. Alaıda,  óndiristi  órkendetýdiń barlyq sharalary birdeı jol taýyp jatpaǵandyǵy jasyryn emes. Máselen, jumysyn bastamaı jatyp toqyraýǵa tap bolǵan kremnıı zaýytynyń aldaǵy taǵdyry bulyńǵyr qalpynda qalyp  otyr. Ony salǵan “Sılısým Qazaq­stan” kompanııasy kómek tileıdi. Qazir bul másele mánisi birjola aıqyndalý ústinde. Tynysyna dem bitirýdiń túrli is-sharalary oılastyrylyp, qarasty­rylýda. Selolyq óńirlerdi damytýǵa ar­nalǵan ekijyldyq baǵdarlama boıynsha turǵyndary az eldi mekenderdi ońtaılandyrý iske asyrý kózdeledi.  Buǵan sep oblysta  mundaı shaǵyn aýyldar kóp. Máselen, tútin sany 50-den aspaıtyn 128 aýyl bar. Olar alys túkpirlerde ornalasqan. Árqaısysynda bıýdjettik qarjy esebinen  klýb, monsha salýdyń jóni shamaly. Onyń ornyna túkpirdegi qystaqtar turǵyn­darynyń halyq kóbirek shoǵyrlanǵan qonystarǵa kóshýine kómek kórsetilgeni tıimdi sanalady. Bul da kún tártibindegi mańyzdy shara. Sonymen birge,  farmasevtıkany, IT- tehnologııany, nanotehnologııany, týrızmdi damytýǵa basa nazar aýdarylýda. Aldaǵy ýaqytta teńdessiz basymdyqty ıelenetin bul býyndardyń berik irgetasyn qalaý búgingi ózekti másele. Onyń aldyńǵy sapynan tanylý oblys ustanǵan negizgi baǵyt. Aıqyn NESIPBAI. Qaraǵandy.