Azııa damý bankiniń prezıdenti Memleket basshysynyń Qazaqstan halqyna arnaǵan Joldaýymen tanys ekenin jetkizip, atalǵan strategııalyq qujattyń negizgi bólimderine, əsirese, onyń əleýmettik mańyzyna oń baǵasyn berdi.
Sonymen qatar Qasym handyǵynyń hany, qazaq dalasynyń sultany Oraz-Muhammedke denesi kómilgen topyraqta – Reseı Federasııasynyń Qasymov aýdanynda quran baǵyshtalyp, qulpytas qoıylǵany týraly aqparatta osy sanda berilgen.
Jýrnalıst Arman Oktıabr «Kúmáni kóp «Kókjaılaý» maqalasynda «Kókjaılaý» taý shańǵysy kýrortyn salý taqyrybyna toqtalyp, buǵan deıin qanshama qoǵam belsendileri men tabıǵat janashyrlary dəl qazirgi jaǵdaıda taý shańǵysy kýrortynyń Almaty úshin asa qajettiligi joǵyn aıtyp dabyl qaqqanyn jetkizdi.
Aǵymdaǵy aqparattar men saıası saraptamalardan bólek gazettiń búgingi sanynda tarıhı Talas quryltaıyna arnalǵan maqalada jaryq kórdi. Konferensııa jumysyna qatysqan barlyq ǵalymdar Shyńǵys han, Joshy, Shaǵataı ulystaryna qatysty, Altyn Orda tarıhyna qatysty óz oılaryn ortaǵa saldy. Altyn Orda tarıhynyń 750 jyldyǵy qazaq halqy úshin aıtýly tarıhı oqıǵa ekeni de aıtyldy.
Qazaqstannyń barlyq óńirindegi aqparatty baqylaýda ustaıtyn basylymnyń osy sanynda ekonomıkadaǵy eleýli jańalyqtar men keleli kezdesýler de jaryq kórdi. Sonymen birge L.N.Gýmılev atyndaǵy Eýrazııa ulttyq ýnıversıtetinde «Egemen Qazaqstan» gazetiniń 100 jyldyq mereıtoıyna arnalǵan «Jahandyq medıakeńistiktegi baspasózdiń róli men damý tendensııalary» atty halyqaralyq ǵylymı tájirıbelik konferensııa ótkeni týraly aqparat shyqty.
Ǵasyrlyq tarıhy bar «Egemen Qazaqstan» jaıly esti estelikterden turatyn mańyzdy málimetterdi Qazaqstannyń eńbek sińirgen qaıratkeri Meırambek Tólepbergenniń «Saǵynyshty jyldar men joldar» atty maqalasynan oqýǵa bolady.
Oramdy oı, paıymdy pikirlerdi qamtyǵan Parlament Májilisiniń depýtaty, kórnekti pýblısıst, ádebıettanýshy Saýytbek Abdrahmanovpen bolǵan suhbatta kezekti gazet sanynnyń ózekti bir tusy deýge bolady.
Osy jáne ózge de aqparattardy gazetimizdiń búgingi sanynan oqı alasyzdar.
