Jarystyń ashylý saltanatyna Qazaqstan Respýblıkasy Mádenıet jáne sport vıse-mınıstri Eldos Ramazanov pen Almaty oblysy Sport basqarmasynyń basshysy Nurbaqyt Teńizbaev qatysyp, boz kilemde beldesetin balǵyn balýandarǵa aq jol tiledi. Qurmetti qonaqtar qatarynda jýyrda ǵana Grýzııada grek-rım kúresinen ardagerler arasynda ótken álem chempıonatynda bas júldeni oljalaǵan Qasenhan Serǵazıev aǵamyz bastaǵan bir top belgili balýandar boldy.
Aıtýly jarysta elimizdiń birqatar óńirinen jınalǵan 2004-2006 jyly týǵan jasóspirimder baq synady. Asa tartysty ótken básekelerde tómende esimderi atalǵan balýandar ózderiniń myqtylyǵyn moıyndatyp, jeńis tuǵyrynyń eń bıik satysyna kóterildi:
22 kılo – Janarys Mahsetbaev (Shyǵys Qazaqstan oblysy, Úrjar aýdany), 27 kılo – Álınur Aıtmurat (Almaty oblysy, Eskeldi aýdany),
29 kılo – Baqdáýlet Dúısenbek (Túrkistan oblysy, Saryaǵash aýdany),
35 kılo – Edige Tóleýtaev (Almaty qalasy, «Shańyraq» sport mektebi),
38 kılo – Almas Musahan (Almaty qalasy, respýblıkalyq sport kolledji),
41 kılo – Iýsýp Ashrapov (Almaty qalasy, respýblıkalyq sport kolledji),
44 kılo – Azamat Erbolov (Taldyqorǵan qalasy),
48 kılo – Qýat Armııa (Almaty oblysy, Talǵar aýdany),
52 kılo – Medet Ordabaı (Almaty qalasy, respýblıkalyq sport kolledji),
57 kılo – Aıdar Aıdarhanov (Almaty qalasy, «Shańyraq» sport mektebi),
62 kılo – Nurzat Dúısenhan (Taldyqorǵan qalasy),
68 kılo – Ádilet Jumabaev (Almaty oblysy, Jambyl aýdany)
+75 kılo – Aqjan Aqaıdar (Almaty qalasy, «Shańyraq» sport mektebi).
Kezinde grek-rım kúresi boıynsha eleýli tabystarǵa jetip, KSRO sport sheberiniń kúmis belgisin keýdesine taqqan Baqtaı Qapsalamov Almaty oblysy Sarqan aýdany Qarabóget aýylynyń týmasy. Boz kilemmen qosh aıtysqannan keıin bapkerimiz týǵan jerine qaıta oralyp, osy sport túrin órkendetýge kúsh saldy. Shaǵyn ǵana aýyldan birneshe myqty balýandar shyǵardy. Alaıda sum ajal ardaqty aǵamyzdy nebary 50 jasynda aramyzdan julyp áketti. Sol azamattyń qurmetine jarys ótkizýdi áý bastan ózim qolǵa alǵan edim. Biraz jyl boıy Qarabóget aýyly azamattarynyń qoldaýymen aıtýly týrnırdi Sarqan qalasynda ótkizip keldik. Mine, endi balǵyn balýandar Taldyqorǵan tórinde bas qosyp, Baqtaı Ramazanulyn eske alýda, – deıdi jergilikti bapker Máýlen Maǵambetov.
Taǵy bir aıta keterligi, Baqtaı Qapsalamovtyń týǵan jeri – Qarabóget aýylynyń da jas órenderi osy jarysta kúsh synasty. Solardyń arasynan
Marǵulan Amentaı (22 kılo) men Márlen Januzaq (41 kılo) kúmis medaldi ıelense, Rýslan Nurtaı (44 kılo) qola júldeni enshiledi.
