BIRDE...
Fın kompozıtory Sıbelıýstan: «Siz neǵyp óz áriptes-sazgerlerdiń ortasynan góri únemi fınansısterdiń ortasynda kóbirek bolasyz?» dep suraǵanda, sazger:
– Fınansısterdiń áńgimesi únemi mýzyka tóńireginde órbıdi de, al áriptesterimmen kezige qalsam boldy aıtarlary qarjylyq qıyndyqtardan shıyrlap shyǵa almaıdy, – degen eken.
***
«Loeengrın» operasy aıaqtalǵan tusta bas keıipker sońǵy sózin aıtyp baryp aqqýǵa aınalyp, ózen boıymen júzip ketýge tıis.
Bir qoıylym kezinde mehanık qatelik jiberip, bas keıipkerdiń sońǵy sózi aıtylmaı jatyp ony aqqýǵa aınaldyryp júzdirip jiberedi. Sonda bas keıipker saspaı:
– Kelesi aqqý qashan júzer eken? – dep ándetipti.
***
Fedor Shalıapın qyzmetshisine:
– Men sizdi balerına Poprygýnchıkovaǵa biraq ret qorap kámpıtpen jumsap edim, estýimshe sen ol kisige meniń atymnan úsh ret kámpıt aparyp beripsiń?.. Buny qalaı túsinýge bolady? – dep suraǵanda, qyzmetshi:
– Qorap kámpıt bir som tursa, al ana kisi maǵan úsh som «qyzmetiń úshin» dep beredi... Sol arqyly azdap tabys taptym, – dep aǵynan jarylypty.
***
Konsert júrgizýshisi K.Smırnov-Sokolskıı pıanıst Iаkov Flıer men skrıpach Samýıl Fýrerdi shatystyryp:
– Aldaryńyzda skrıpach Iаkov Flıer óz ónerin kórsetedi , – degende, Flıer oǵan qyrsyǵyp sahnaǵa shyqpaı turyp alǵanda, Smırnov-Sokolskıı dereý: – Keshirińizder, Iаkov Flıer skrıpkasyn úıinde umytyp ketipti... Sondyqtan besaspap ónerpazymyz aldaryńyzda roıalde óner kórsetedi, – dep taýyp ketken eken.
***
Ataqty sýretshi Goııa óziniń sýretteri qoıylǵan arnaıy oryndy aralap júrip sonyń qojaıynynan:
– Sýretterimdi satyp alǵysy kelgender boldy ma? – dep surap qalady.
– Boldy! Bireý sýretterińizdiń quny siz qaıtys bolǵan soń kóterile me dep surady. Men álbette kóteriledi dep edim, álgi birden 15 sýretińizdi satyp aldy.
– Bárekeldi! Satyp alǵan kim boldy eken?
– Sizdiń emdeýshi dárigerińiz...
