Azamattyq máseleler, Syrtqy ister mınıstrleriniń kezdesýi, Premer-Mınıstrdiń is-sapary jáne ózge de aǵymdaǵy aqparattardy saıasat betinen oqı alasyzdar.
Baıqal Baıádildiń «Atbasar» dep atalǵan maqalasy óńirdiń arǵy-bergi tarıhynan aqpar berip qana qoımaı, aýdan aýmaǵyndaǵy tarıhı-taǵylymdy eskertkishter men batyr babalardyń júrip ótken joly týraly syr shertedi.
«Egemen Qazaqstan» gazetiniń Soltústik Qazaqstan oblysyndaǵy menshikti tilshisi О́mir Esqalı «Teńdesi joq biregeı avtomektep» atty maqalasynda múmkindigi shekteýli jandardyń taǵdyryna qatysty mańyzdy máseleni qalamyna arqaý etken. Avtor jazbasynda sábı kezinen sal aýrýyna shaldyqqan Səlimhan Səbıtov esimdi azamattyń ómir jolyn órnekteıdi. Múmkindigi shekteýli bolsa da tabandylyǵymen tabysqa jetkeni týraly tarqatady.
Sporttaǵy jańalyqtar men qoǵamdaǵy túrli túıtkildi máseleler de gazettiń osy sanynan oryn aldy. Sonymen qatar «Ádilettiń almas qylyshy», «Asyl minezdiń úlgisi» degen taqyryptarda bas basylymnyń ardagerlerine arnalǵan maqalalar jaryq kórdi.
Otanymyzdyń on tórt oblysy men úsh qalasynan úzdiksiz aqparat taratatyn «Egemen Qazaqstannyń» 20 qarashadaǵy sany osylaı boldy. Biz sholý jasaǵan jańalyqtar men ózge de maqalalardyń tolyq nusqasyn oqyǵyńyz kelse gazettiń búgingi sanyn nemese egemen.kz saıtyn qaraı júrińizder.
