Bas prokýrordyń orynbasary Marat Ahmetjanovtyń aıtýyna qaraǵanda, zorlaý, ıaǵnı jábirlenýshige nemese basqa adamdarǵa kúsh qoldanyp, onyń dármensiz kúıin paıdalanyp, jynystyq qatynas jasaý aýyrlyǵy ortasha qylmystan aýyr qylmys sanatyna kóshedi. Bul jerde de tatýlasý bolmaıdy. Al balalarǵa qarsy jasalǵan osyndaı qylmystar úshin jaza tipten qatal bolmaq.
«Bul asa aýyr qylmystar sanatyna jatady. 14 jasqa tolmaǵan balalarǵa qarsy jynystyq sıpattaǵy qylmystar úshin tek 20 jyl bas bostandyǵynan aıyrý nemese ómir boıyna bas bostandyǵynan aıyrý jazasy usynylyp otyr» dedi M. Ahmetjanov.
Sonymen qatar pedofılııa boıynsha aıǵaqtardy burmalaǵany úshin, tek qana burmalap jáne jasyryp qoımaı, bilip tury habarlamaǵany úshin de jaýapkershilik kózdelgen.
«Bul áreketter aýyr qylmystar sanatyna kiretin bolady. Mysaly, ınternatta tárbıelenip jatqan balalarǵa qarsy qylmystardy tárbıeshi jasyrǵan bolsa, tıisti jaýapkershilik eskerilgen» dedi Bas prokýrordyń orynbasary.
Eske sala keteıik, búgin Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine qylmystyq jáne qylmystyq-prosestik zańnamany jetildirý máseleleri boıynsha ózgerister men tolyqtyrýlar engizý týraly» zań jobasy talqylap jatyr.
