Tashkent Halyqaralyq ýnıversıtetiniń mamany Skot Bekerdiń aıtýynsha, kóne jerleý orny jaýyn-shashynnan keıin anyqtalǵan. О́zbekstan Ǵylymdar akademııasy Ulttyq Arheologııa ortalyǵy bergen málimet boıynsha tabylǵan bas súıek jáne keramıkalyq ydystarmen birge geografııalyq aımaǵy, jalpy aýmaǵy jáne jerleý ornynyń pishinin zertteý úshin bir kúndik saraptaý jumystary júrgizildi. Arheologııalyq qazba nátıjesinde ydys-aıaq, temir qylysh, pyshaq, úzeńgi, shege, jeńil tastar men temir tabylǵan.
B.z. VI ǵasyrynda ortalyqtandyrylǵan saıası júıede Túrkistan aýmaǵyndaǵy barlyq túrkilerdiń basyn qosqan Kóne túrki qaǵandyǵy bolatyn. Qara teńizden Tynyq muhıtyna deıingi alyp keńistikte Túrki qaǵandyǵy dep atalǵan alpaýyt ımperııa qurylǵan. Osy ımperııa dáýirinde Tashkent jeri Shash dep atalyp, ákimshilik ortalyqtardyń biri bolǵan. Shyǵys pen batysty baılanystyratyn saýda joldarynda oryn alǵan kóne Shash aımaǵy qolaıly aýa raıy, aýyz sýynyń moldyǵy, qunarly topyraǵy, baı jerimen kóne turǵyndardy qyzyqtyratyn.
Tashkent aımaǵynda tabylǵan osyndaı sırek oljanyń arheologııalyq mańyzy zor. О́zbek-túrki tarıhy men geografııalyq aýmaq turǵysynan jańa málimetter usynýda. Sol sebepti Ulttyq arheologııa ortalyǵynda batys Táńirtaýdaǵy kóshpeli órkenıetti zertteý úshin arnaıy top quryldy.
