«Qurmetti Erjan! Sizdi Junior Eurovision song contest-2019 baıqaýynda júldeli ekinshi oryn alýyńyzben shyn júrekten quttyqtaımyn! Siz Polshanyń Glıvıse qalasynda ótken Junior Eurovision halyqaralyq án baıqaýyndaǵy jarqyn ónerińizben kezekti ret asqaq armanǵa degen qulshynysy zor daryndy, eńbekqor ánshi ekenińizdi pash ettińiz. Rasynda, sizdiń oryndaýyńyzdaǵy ásem án álem halyqtarynyń qazaq mádenıetimen tanysa túsýge degen qushtarlyǵyn oıatqany sózsiz. Aldaǵy ýaqytta da jahandyq baıqaýlarda sátti óner kórsetip, jarqyn jetistikterińizben el mereıin ústem ete berińiz. Osynaý sátti paıdalana otyryp, Sizge zor densaýlyq, tolaıym shyǵarmashylyq tabys tileımin!», delingen mınıstrdiń quttyqtaýynda.
