Jaýyngerlik týmen qoshtasý - árbir áskerı qyzmetshi úshin erekshe rásim. Ofıserler kezekpen armııanyń abyroıyn, jaýyngerlik dástúrlerin beıneleıtin jaýyngerlik týdyń aldynda bas ıdi.
Qurmetti qaraýyl rotasy men tý ustaýshy tobynyń qatysýymen general-leıtenant Murat Maıkeevti, general-maıor Vasılıı Rysbaevti, polkovnıkter Raýshanbek Ábildaev jáne Bolat Qarakýchýkovty zapasqa shyǵarý týraly buıryq oqyldy.
Saltanatty is-shara barysynda ofıserlerdiń áskerı joly, olardyń basshy men komandır retinde qalyptasýy, sondaı-aq elimizdiń Qarýly Kúshterindegi jetistikteri týraly derekti fılm kórsetildi. General-leıtenant Murat Maıkeev Almaty joǵary jalpy áskerı komandalyq ýchılıshesin, Frýnze atyndaǵy Áskerı akademııany bitirgen.
Áskerı qyzmetin Germanııadaǵy Keńes áskerleri tobynyń ásker quramynda bastady, Baıkal áskerı okrýginde qyzmet etti, 68-shi motoatqyshtar dıvızııasy komandıriniń orynbasary boldy, Qurlyq áskerleriniń motoatqyshtar dıvızııasyn, Aeroutqyr áskerlerin, Qazaqstan qurlyq áskerlerin basqardy.
2016 jyldan bastap Maıkeev Qorǵanys mınıstriniń birinshi orynbasary - QR QK Bas shtabynyń bastyǵy qyzmetin atqardy. General-maıor Vasılıı Rysbaev Almaty joǵary jalpy áskerı komandalyq ýchılıshesin jáne Frýnze atyndaǵy Áskerı akademııany bitirgen. Ol Máskeý jáne Qıyr Shyǵys áskerı okrýgterinde qyzmet atqardy. Táýelsiz Qazaqstan Qarýly Kúshteriniń qurylýy kezinde ofıser Otarda, Shymkentte, Almatyda, Úsharalda, Aıagóz qalasynda shtab bastyǵy jáne áskerı bólimderdiń komandıri bolyp qyzmet etti.
Aeroutqyr áskerleri qolbasshysynyń orynbasary, «Astana» jáne «Shyǵys» óńirlik qolbasshylyqtarynyń qolbasshysy, Qurlyq áskerleri bas qolbasshysynyń orynbasary qyzmeti jumystaryn atqardy. Polkovnık Raýshanbek Ábildaev Sývorov áskerı ýchılıshesin, Almaty joǵary jalpy áskerı komandalyq ýchılıshesin jáne QR Qarýly Kúshteriniń akademııasyn bitirgen. Germanııadaǵy Keńes áskerleri tobynyń quramynda, Frýnze atyndaǵy Kıev joǵary jalpy áskerı komandalyq ýchılıshesinde qyzmet etti.
Baýyrjan Momyshuly atyndaǵy respýblıkalyq áskerı mektebinde jáne QR QM Kadrlar departamentinde kadrlyq máselelermen aınalysty. Sonymen qatar ol áskerı polısııa organdary men aýmaqtyq qorǵanys áskerleriniń qurylýy, bilim berý máselelerimen aınalysty.
2017 jyldan bastap QR QM Ákimshilik departamentin basqardy. Polkovnık Bolat Qarakýchýkov Qazaqstan Qarýly Kúshterinde áskerı polısııa bólimshelerinde, anyqtaý bóliminiń aǵa anyqtaýshy-ınspektordan jáne jedel-izdestirý jumystary bólimshesiniń ınspektory laýazymdarynan bastap, QR QK Áskerı polısııa bas basqarmasy bastyǵynyń orynbasaryna deıin qyzmet atqardy. 2016 jyldan bastap ofıser QR QM Zań departamentin basqardy.
