29 qarasha men 1 jeltoqsan aralyǵynda Japonııanyń Nagoe qalasynda short-trekten Álem kýbogynyń úshinshi kezeńdik saıysynyń shymyldyǵy túriledi. Osy jarysqa Qazaqstan quramasynyń bas bapkeri Mádiǵalı Qarsybekov óziniń eń úzdik shákirtterin aparýdy qup kórip otyr. Olar – Abzal Ájǵalıev, Nurbergen Jumaǵazıev, Mersaıd Jaqsybaev, Nurtilek Qajyǵalı, Ádil Ǵalıahmetov, Erkebulan Shamuhanov, Olga Tıhonova jáne Alena Volkovıskaıa.
Al erteń Shvesııanyń Estersýnd shaharynda bıatlonnan Álem kýbogynyń bıylǵy maýsymdaǵy kezeńdik jarysynyń tusaýy kesiledi. Skandınavııa túbeginde Galına Vıshnevskaıa, Elızaveta Belchenko, Anastasııa Kondrateva, Lıýdmıla Ahatova, Roman Eremın, Vladıslav Vıtenko, Anton Pantov jáne Maksım Braýn syndy sportshylar el namysyn qorǵaıdy. Bul básekeler 8 jeltoqsanda óz máresine jetedi.
