«Qurylys sektory – Qazaqstan ekonomıkasynyń ósimi men ony ártaraptandyrýdyń negizgi draıverleriniń biri. Búginde qazaqstandyq qurylys kompanııalarynyń básekege qabilettiligi jetkilikti, olar quzyretterin arttyryp, halyqaralyq naryqtarǵa shyǵýy, qurylys materıaldaryn ǵana emes, kórsetetin qyzmetterin de eksporttaýy qajet», — dedi A. Mamın.
Qurylys sektorynyń ósim qarqyny bıylǵy 10 aıdyń qorytyndysy boıynsha 12,7% qurady. Elimizdiń JIО́ qurylymyndaǵy salanyń úlesi 5,5% quraıdy. Qurylys salasy halyqty jumyspen qamtý turǵysynan eń iri salalardyń biri, munda 641,4 myń adam jumys isteıdi. Búgingi tańda Qazaqstanda negizgi qurylys materıaldarynyń óndirisi retke keltirilgen.
Keńeste qurylys materıaldarynyń otandyq óndirýshilerin qoldaý jáne qurylys ındýstrııasyndaǵy qazaqstandyq qamtý úlesin arttyrý, sáýlet, qala qurylysy jáne qurylys qyzmeti, memlekettik baqylaý jáne tehnıkalyq qadaǵalaý salasyndaǵy zańnamalyq bazany jetildirý jónindegi sharalar qaraldy.
