Sezd qarsańynda aýyldyq, qalalyq partııa uıymdarynda jáne oblystyq, respýblıkalyq mańyzy bar qalalarda partııanyń esep berý-saılaý konferensııalary uıymdastyrylǵan edi. Onda agroónerkásiptik keshen máseleleri, aýyldyq aýmaqtardy damytý, partııalyq jumys ádisterin jetildirý sharalary jan-jaqty talqylandy.
Sóıtip elorda tórinde uıymdastyrylǵan sezd jumysyna Aýyl sharýashylyǵy mınıstrliginiń birinshi vıse-mınıstri Aıdarbek Saparov, Ekologııa, geologııa jáne tabıǵı resýrstar mınıstrliginiń jaýapty hatshysy Sábıt Nurlybaı, Eńbek jáne halyqty áleýmettik qorǵaý vıse-mınıstri Aqmadı Sarbasov, Densaýlyq saqtaý vıse-mınıstri Kamaljan Nadyrov, Mádenıet jáne sport vıse-mınıstri Nurǵısa Dáýeshov, Ulttyq ekonomıka mınıstrliginiń departament dırektory Nurlan Maqsutov, qoǵam jáne memleket qaıratkerleri, zııaly qaýym jáne BAQ ókilderi qatysty.
– Aýyl» halyqtyq-demokratııalyq patrıottyq partııasy qaıta qurylǵanynan beri 4 jyl ótti. Bul bizdiń partııamyz úshin taǵdyrsheshti kezeń boldy. Keıbireýler saıası arenadaǵy alǵashqy qadamymyzǵa kúmánmen qarady. «Aýyl» partııasynyń bolashaǵyna senbegender de boldy. Alaıda bizdiń partııamyz sózimen ǵana emes, isimen de óziniń saıası áleýetin, erik-jigerin tanyta bildi. Eń bastysy, biz ózimizdiń qoǵamǵa asa qajetti saıası qurylym ekenimizdi dáleldik. Árıne munda «Aýyl» partııasynyń árbir múshesiniń úlesi bar ekenin maqtanyshpen aıta alamyz, – dedi «Aýyl» HDPP-nyń tóraǵasy, Parlament Senatynyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Álı Bektaev.
«Aýyl» HDPP-nyń 2015-2019 jyldar aralyǵynda atqarǵan jumysy týraly baıandaǵan partııa tóraǵasy kez kelgen bir qurylym úshin eń kúrdeli kezeń – qalyptasý kezeńi ekenin alǵa tartty. Partııa músheleri judyryqtaı jumylyp, kúrdeli kezeńnen ótti. Osy ýaqyt aralyǵynda «Aýyl» partııasynyń irgesi bekip, qanaty qataıyp, qatary tolyqty.
Álı Bektaevtyń aıtýynsha, partııanyń endigi maqsaty – parlamenttik partııa bolý. Bul maqsat partııanyń aldaǵy tórt jyldyq josparynyń negizine aınalýy tıis. Buǵan deıin de az beles baǵyndyrylǵan joq. Sebebi «Aýyl» partııasy – ózindik saıası tájirıbe jınaqtaǵan partııa. О́tken saıası kezeńde partııa prezıdenttik jáne parlamenttik elektoraldy naýqanǵa qatysty. Osy saılaý naýqandaryndaǵy strategııalyq ustanymdarynyń nátıjesinde «Aýyl» partııasy jumys júıesi qalyptasqan, tanymal saıası brendke aınaldy.
Partııa tóraǵasy Ulttyq qoǵamdyq senim keńesiniń qurylýyn qoldaıtynyn, «Aýyl» partııasy mundaı qoǵamdyq mańyzy bar organ jumysyna óz úlesin qosýǵa qashanda daıyn ekenin jetkizdi. Eldiń taǵdyrsheshti máselelerin talqyǵa salatyn osy tektes mańyzdy bastamalardan tys qalmaý qajettiligin alǵa tartty.
Búginde «Aýyl» partııasy qurylymdyq turǵyda kúsheıip, qadamyn nyq basyp keledi. Elimizdiń 14 oblysy men respýblıkalyq mańyzy bar Nur-Sultan, Almaty jáne Shymkent qalalarynda partııanyń 17 fılıaly jumys isteıdi. 188 qalalyq jáne aýdandyq partııa uıymdarynda 500 bastaýysh partııa uıymy bar. «Aýyl» partııasynyń ókilderi elimizdiń zań shyǵarýshy jáne ókiletti organdary quramyna engen. Partııanyń 44 múshesi depýtattyq mandatqa ıe. Onyń ishinde, Parlament Senatynda – 1, oblystyq máslıhattar men Almaty qalalyq máslıhatynda – 7, aýdandyq máslıhattarda – 29, qalalyq máslıhattarda – 7 adam bar.
Sondaı-aq 2017 jyldan bastap barlyq deńgeıdegi depýttardan quralǵan «Aýyl» partııasynyń depýtattar Keńesi jumys istep keledi. Atalǵan keńeske Jambyl oblystyq máslıhatynyń depýtaty Erbolat Saýryqov jetekshilik etýde. Bul – «Aýyl» partııasynyń óńirlerdegi shynaıy bedeliniń birden-bir belgisi deýge bolady. Elimizdiń túkpir-túkpirinde kóptegen azamattar «Aýyl» partııasyna ótýge nıet bildirýde. Máselen, 2015-2019 jyldar aralyǵynda partııa músheleriniń sany 44 myń adamǵa artty.
Nátıjesinde, atalǵan partııanyń kadrlyq áleýeti de arta túsýde. Partııa tek agrarlyq salada jetistikke jetken tulǵalarmen ǵana maqtanbaıdy. Bilim berý, medısına, avtokólik jáne ózge de salalarda jarqyn jetistikterge jetken azamattar osy partııaǵa múshe. 500-ge jýyq partııa múshesi memlekettik jáne vedomstvolyq nagradalarmen marapattaldy.
Aldaǵy maqsat – elimizdegi qoǵamdyq-saıası máselelerdiń qalyń qatparynan partııanyń ózindik «kún tártibin» aıqyndap, qoǵamnyń áleýmettik jańǵyrýynda kóshbasshylyqqa umtylý. Partııa tóraǵasy mundaı saıası ambısııasyz strategııalyq mindetterdi oryndaý múmkin emestigin aıryqsha atap ótti. Ol úshin, aldymen partııanyń jańa kóshbasshylar býynyn qalyptastyrý baǵytynda jumysty jandandyrý qajet. Osy maqsatta «Jańa kóshbasshylar mektebi» atty partııaishilik joba qolǵa alynatyn bolady.
Áleýmettik jelilerdegi jumys júıelenip, partııa jaqtastarynyń qataryn kóbeıtýge qatysty naqty jumystar atqarylmaq. «Aýyl – Dostar» dep atalatyn jaqtastar klýby qurylyp, «Eńbek adamy – el tiregi!» atty saıası bastama qolǵa alynady. Mundaǵy maqsat – eńbek adamynyń mártebesin joǵarylatý arqyly aýyldyq jerlerdegi mamandyqtardyń bedelin arttyrý.
Bul rette, partııa tóraǵasy delegattar aldynda «Aýyl» partııasy azyq-túliktegi GMO-ǵa qarsy» atty taǵy bir saıası bastamany qolǵa alǵanyn jarııalady. Bul ıdeıa sonaý 2017 jyly «Gendik modıfıkasııalanǵan organızmsiz ómir – aýyl sharýashylyǵy ǵylymy men óndirisiniń qazaqstandyq tańdaýy» taqyrybynda ótken dóńgelek ústel barysynda paıda bolypty.
GMO demekshi, Álı Bektaev elimizdegi mal eksportyna da toqtaldy. Onyń aıtýynsha, mal basynyń tirideı shetel asyp jatqandyǵy – keleńsiz jaǵdaı. Máselen, ótken jyly shetelge 88 myńǵa jýyq mal satylsa, bıylǵy toǵyz aıda ol kórsetkish 333 myńǵa jetipti. Bul byltyrǵy jylmen salystyrǵanda 3,8 esege kóp. Satylǵan iri qaranyń sany 2 ese, al usaq maldyń sany 7 esege ósken. Sondaǵy mal basynyń 80%-yn О́zbekstan azamattary satyp alǵan eken. Olar Qazaqstannyń shekara aýmaǵynda ornalasqan Túrkistan, Qyzylorda oblystarymen qatar, Shyǵys Qazaqstan, Aqmola, Qaraǵandy, Almaty, Jambyl oblystarynan da maldyń sapaly bóligin iriktep alýda.
– Eń soraqysy shetke satylǵan maldyń 50%-ǵa jýyǵy – analyq. Iаǵnı, kórshiles memleketter Qazaqstan malyn etke ǵana emes, óz maldarynyń sapasyn jaqsartý jáne mal basyn kóbeıtý úshin satyp alýda. Bizdiń depýtattyq saýalymyzdan soń analyq mal men onyń tólin el aýmaǵynan shyǵarýǵa alty aı merzimge tyıym salyndy, – dedi partııa tóraǵasy.
Sezd jumysy barysynda partııanyń baǵdarlamalyq maqsattaryn oryndaýdaǵy qyzmeti, atqarǵan jumystary týraly egjeı-tegjeıli aqparat usynyldy. Partııanyń óńirlik fılıaldarynyń jergilikti jerlerdegi agroónerkásiptik keshen, áleýmettik sala, ǵylym jáne óndiris máseleleri tóńiregindegi jumystary talqylandy. Sondaı-aq partııa tóraǵasy retinde Álı Bektaev qaıta saılanyp, Saıası keńestiń jańa quramy bekitildi. Partııa jarǵysyna ózgertýler men tolyqtyrýlar engizildi.
