Kúlli álemniń kúlkisi
– Ýaqyt jaǵynan shekteý bolar ma eken? – dep surady sheshen jınalys bastyǵynan.
– Esh shekteý bolmaıdy, qulashyńyzdy keńge sermeńiz. Tek biz siz on mınýt sóıledińiz-aý degende zaldan shyǵyp ketemiz...
***
– Doktor, meniń jumysqa degen zaýqym joq, buny sizderde qandaı aýrýǵa jatqyzady? Aýrýdyń atyn ǵylymı termınsiz qarapaıym da túsinikti etip aıtyńyzshy, áıtpese túsine qoıýym qıyn.
– Jáı ǵana, jalqaýlyq dep atalady.
– Endi ǵylymı termınin aıtsańyz.
– Ony qaıteıin dep edińiz?
– Bastyǵyma aıtýym kerek qoı...
***
Kelýshi dárigerge jóteliniń údep bara jatqanyn aıtyp edi, dáriger birden:
– Temekini úzildi-kesildi qoıý kerek! – dep talap etti. Kelýshi asa jyldamdyqpen konvertke salynǵan aqshasyn dárigerdiń tartpasyna tastaǵan soń baryp ol qatal talabyn ózgertti.
– Árıne, birden emes. Birden tastaǵan da zııan. Birtindep, birtindep tastaǵan jón...
***
Uzaq jolda jol qysqarsyn dep ǵalym shoferin jumbaq jasyrýǵa shaqyryp, aqysyn aıtyp edi:
«Ondaı aqsha mende qaıdan bolsyn, eger ádildikpen kelsek bylaı bolsyn: siz taba almasańyz – on teńge beresiz, al men taba almasam – bir teńge beremin».
Ǵalym kelisip, shofer jumbaǵyn aıtty:
– Jerde júredi, jermen jorǵalaıdy, aǵashtan aǵashqa sekiredi, aspanda ushady, ol qaı janýar?
Ǵalym ary oılap, beri oılap taba almaı on teńgesin beredi de, óziniń jumbaǵyn aıtady:
- Jerde júredi, jermen jorǵalaıdy, aǵashtan aǵashqa sekiredi, aspanda ushady, ol qaı janýar?
Shofer birden taba almaıtynyn aıtyp, bir teńgesin beredi...
