«Jumyssyzdyqtan áleýmettik qorǵaý sharalarynyń biri eńbek naryǵynyń qajettiligine sáıkes kolledjder men joǵary oqý oryndarynyń túlekteri qataryndaǵy jumyssyzdar úshin Jastar tájirıbesin uıymdastyrý bolyp tabylady.
Baǵdarlamanyń maqsaty – bastapqy jumys tájirıbesin alý úshin jaǵdaı jasaý, biliktilikti arttyrý, eńbek naryǵyndaǵy básekege qabilettilikti arttyrý jáne jumysqa ornalasýǵa járdemdesý.
Aǵymdaǵy jyldyń basynan oqý oryndarynyń 1025 túlegi Jastar tájirıbesine qatysýǵa jiberildi. Búginde baǵdarlamaǵa qatysýshy jastarǵa tólenetin aılyq jalaqy mólsheri 70 139 teńgeni quraıdy.
Esterińizge salsaq, jastar tájirıbesine qatysýshylarǵa eńbekaqy tóleý respýblıkalyq jáne jergilikti bıýdjet qarajaty esebinen júzege asyrylady jáne qatysý merzimi 6 aıdan aspaıdy», delingen habarlamada.
