Sizderdi halyqtyń rýhanı ómirin tolyqtyratyn taǵylymdy mereke – Qazaqstan Respýblıkasynyń Tuńǵysh Prezıdenti kúnimen quttyqtaımyz!
Bizdiń elimiz ben halqymyzdyń tarıhy Nursultan Ábishuly Nazarbaevtyń ómir jolymen birtutas. Táýelsiz Qazaqstannyń qalyptasýynan bastap memlekettik damýdyń dańǵylǵa túsýi jolyndaǵy jumystardyń basymy N.Á.Nazarbaevtyń esimimen baılanysty, erligimen ushtasqan dúnıeler ekeni daýsyz.
Tuńǵysh Prezıdent N.Á.Nazarbaev Memlekettik saıasattyń negizgi basymdyqtarynyń biri – etnosaralyq kelisim men birliktiń saqtalýyn aıqyndady. Osynyń arqasynda kópetnosty halqymyz básekege qabiletti elge aınaldy.
Elbasy ata-babalarymyzdyń armanyn júzege asyryp, ana tili men mádenıetin damytyp, erkin oılaýǵa jáne alǵa qaraı nyq qadam basýǵa múmkindik ashty.
Búgin Qazaqstan halqy Tuńǵysh Prezıdent kúnin erekshe yqylaspen jáne zor rızashylyqpen atap ótedi. Qazaqstannyń Tuńǵysh Prezıdenti óz ókilettiligin merziminen buryn aıaqtap, eldiń Negizgi Zańyna sáıkes beıbit túrde laýazymnyń berilýin qamtamasyz etti.
Bul Tuńǵysh Prezıdenttiń eren eńbegi.
Tuńǵysh Prezıdentimizdiń saıası erik-jigeri men kóregendiginiń arqasynda Qazaqstan qoǵamdyq turaqtylyqtyń, túrli etnostar men konfessııalar ókilderiniń beıbit ómiriniń álemdik qyryna aınaldy.
Qurmetti otandastar!
1 jeltoqsan – Qazaqstan tarıhy úshin eleýli kún. Dál osy kúni Ult Kóshbasshysy el tizginin ustap, elimizde táýelsizdik tuǵyryn qondyrdy.
Naǵyz halyq kóshbasshysy retinde Elbasy barlyǵymyzǵa óz elin qalaı súıý kerektigin, onyń damý jolyn kórsetti. Bul kún urpaq esinde jańǵyrýdyń, jańashyldyqtyń belgisi retinde ǵana emes, ótkenniń ónegesi, ulynyń ulaǵaty retinde saqtalmaq.
Osyndaı halqymyzdyń berekesin ulyqtap, memleket mereıin asyratyn mereke kúni otbasylaryńyzǵa amandyq, baq-bereke, shańyraqtaryńyzǵa shattyq, elimizge tynyshtyq tileımiz!
Qurmetpen,
Qazaqstan halqy Assambleıasy
