Jergilikti bılik burynǵy eskertkishtiń ornynan alynyp, qoımaǵa qoıylý sebebin onyń tozyǵynyń jetkenimen baılanystyrǵan edi. Máselen, shahar bıligi eskertkish ornatylǵan 54 jylda ony 17 ret jóndegen. Biraq óńirde jyraý eskertkishine qatysty «jyr» báribir tolastaǵan joq. Sondyqtan da qala ákimdigi Almaty qalasynan arnaıy mamandar shaqyryp, eki ret saraptama jumystaryn da júrgizgen. Taraz qalasy ákiminiń orynbasary Kenjebek Oljabaı da kezinde sol saraptama jumystarynyń nátıjesinde bul eskertkishte kúrdeli jaryqtardyń paıda bolǵandyǵyn aıtqan edi.
Biraq jaramsyz dep tanylǵan jarty ǵasyrdan astam tarıhy bar Jambyl eskertkishi jýyrda oblystyq ákimdik ǵımaratynyń aldyna qaıta ornatyldy. Qoımada jylǵa jýyq qańtarylyp turǵan tulǵa eskertkishi tuǵyrǵa qaıta kóterildi. Osy ýaqytqa deıin jergilikti atqaminerler burynǵy baba eskertkishiniń qaıta jóndeýden ótken soń óz ornyn tabatynyn aıtyp, sendirip kelgen bolatyn. Al ótken jyly oblystyń bas ǵımaratynyń aldyna qoıylǵan bıiktigi 4 metr, salmaǵy 1,5 tonna jyraý eskertkishiniń kóshirmesiniń endi qaıda baryp turaqtaıtyny belgisiz.
Jambyl oblysy
