Ulttyq ekonomıka mınıstri R. Dálenov, Túrkistan oblysynyń ákimi О́. Shókeev, Soltústik Qazaqstan oblysynyń ákimi Q. Aqsaqalov, Qaraǵandy oblysynyń ákimi J. Qasymbek baıandama jasady.
О́D MB iske asyrý elde ýrbanızasııa deńgeıin 2025 jylǵa qaraı keminde 62%-ǵa jetkizýge múmkindik beredi, óńirlerdiń básekege qabilettiligin arttyrady, kólik, ınjenerlik, áleýmettik ınfraqurylymyn, jalpy, turǵyndardyń ómir súrý sapasyn jaqsartady.
2025 jylǵa deıin О́D MB qarjylandyrýdyń jalpy kólemi 1,3 trln teńgeni quraıdy. Basymdyqtar retinde damytý anyqtaldy:
birinshi deńgeıli ortalyqtaryn bar tórt aglomerasııany (ósý ortalyqtaryn) - elordalyq, Almaty, Shymkent, Aqtóbe aglomerasııalaryn;
ekinshi deńgeıli qalalardaǵy ortalyqtarymen 14 ýrbanızasııalanǵan aımaqty – oblys ortalyqtary men Semeı;
18 shekara mańy shaǵyn qalalar men shektes aýmaqtardy, sondaı-aq turǵyndarynyń sany 50 myńnan asatyn monoqalalardy;
«Aýyl – El besigi» jobasy aıasynda tirek jáne seriktes aýyldyq eldi mekenderdi. 3477 tirek jáne seriktes aýyldar óńirlik standarttar júıesine sáıkes tolyq nysandarmen jáne qyzmetter qamtylatyn bolady. 7 mln aýyl turǵynynyń nemese aýyldyqtardyń 90%-nyń ómir súrý sapasy artady.
«Tuńǵysh Prezıdent - Elbasy Nursultan Ábishuly Nazarbaev «Qazaqstan - 2050» strategııasynda jáne «Nur Otan» partııasynyń fılıaldarymen jaqynda ótken keńeıtilgen otyrysta elimizdegi qalalyq turǵyndar úlesin 2050 jylǵa qaraı 70%-ǵa deıin jetkizý qajettigin atap ótti. Memleket basshysy Qasym-Jomart Kemeluly Toqaev óziniń Qazaqstan halqyna arnaǵan Joldaýynda eldi ýrbanızasııalaý mańyzdylyǵyn atap ótip, kóshi-qon úrdisterin basqarý boıynsha pármendi sharalar qabyldaýdy tapsyrdy», dedi A. Mamın.
Úkimet basshysy ýrbanızasııanyń adamdardyń tabysy men ómir súrý sapasyn arttyrýda asa mańyzdy ekenin aıtty. Sońǵy bes jylda Qazaqstandaǵy iri qalalardyń turǵyndarynyń sany 15%-ǵa artty. Qazir Qazaqstanda qala turǵyndarynyń úlesi 58,2% quraıdy.
«Biz kenttený prosesin aıqyn basqarylatyn úrdiske aınaldyrýǵa umtylýdamyz, sondyqtan qalalardy damytýdyń salmaqtalǵan saıasatyn odan áir de júrgizý qajet. Bul rette bizdiń basty mindetimiz - aýyl turǵyndarynyń ómir súrý sapasyn arttyrý, qalalyqqa jýyqtaıtyn ınfraqurylym qurý. Mundaı mysaldar bizde bar», dedi A. Mamın.
