Zań jobasynyń maqsaty – altynshy shaqyrylymdaǵy Qazaqstan Respýblıkasy Parlamentiniń úshinshi sessııasynyń ashylýynda Memleket basshysy belgilegen ońaltý jáne bankrottyq rásimderin jetildirýdi qamtamasyz etý, sondaı-aq dármensizdik júıesiniń tıimdiligin arttyrý bolyp tabylady.
Jobanyń tujyrymdamalyq negizgi baǵyttaryna: ońaltý jáne bankrottyq rásimderin bastaý tártibin qaıta qaraý; ońaltýdy qoldaný jáne bankrot dep taný tártibin qaıta qaraý; bankrottyq rásimderin qysqartý maqsatynda kredıtorlar jınalysynyń ókilettigin qaıta qaraý; kredıtorlardyń boryshkerge qoıylatyn talaptaryn málimdeý tártibin naqtylaý; ýaqytsha basqarýshyny nemese ýaqytsha ákimshini taǵaıyndaý tártibin qaıta qaraý; basqarýshylarǵa tólenetin syıaqyny tóleýdi qaıta qaraý; kepildi kredıtorlar talaptaryn qanaǵattandyrý tártibin qaıta qaraý; ádeıi bankrottyq jáne jalǵan bankrottyq úshin qaǵıdalardy qaıta qaraý; jumys istemeıtin boryshkerdi bankrottyq rásimin qozǵaýsyz taratý tártibin qaıta qaraý; magıstraldyq temirjol jelisin jáne temirjol kóliginiń jyljymaly quramyn damytý maqsatynda shyǵarylǵan tasymaldaýshynyń oblıgasııalary boıynsha kýpondyq syıaqy mólsherlemesin sýbsıdııalaý tártibin belgileý; mıkro jáne shaǵyn bıznes kompanııalaryn tabys salyǵynan úsh jyl merzimge bosatý; bıýdjet qarajatyn tıimsiz josparlaǵany jáne tıimsiz paıdalanǵany úshin jaýapkershilikti kúsheıtý jatady.
Zań jobasy Palatanyń qaraýyna jiberildi.
