Stýdenttik jataqhanalar qurylysynyń jańa tetigi iske qosylǵan sátten bastap jeke ınvestorlarmen ózara is-qımyl jasaý mindeti jańa aýqymǵa ıe boldy. Memleket stýdenttik jataqhanalarda jańa tósek-oryn engizý boıynsha jobalarǵa kásipkerlerdiń áleýetin keńinen tartýǵa nıetti.
Aldaǵy ýaqytta stýdentterge arnalǵan ýaqytsha turǵyn úı naryǵynda JOO-men qatar jeke sektor retinde jańa qatysýshylar paıda bolady dep kútilýde. Osyǵan sáıkes memleket ınvestor shyǵystarynyń negizgi bóligin óteýdi ózine alýǵa jáne bul rette jataqhanany onyń menshiginde qaldyrýǵa daıyn, bul osy boljamdarǵa arnalǵan yntalandyrý sharalarynyń negizi bolyp tabylady. Yntymaqtastyqtyń jalǵyz sharty – engiziletin nysannyń nysanaly maqsatyn ózgertýge shekteý qabyldaý. Qarapaıym sózben aıtqanda, naqty áleýmettik jaǵdaıdy qamtamasyz etýde 20 jyl ishinde engizilgen jataqhana stýdent jastardyń qajettiligin jabý úshin jumys isteýi tıis.
Qarjy ortalyǵy aımaq kásipkerlerin osy tetiktiń múmkindikteri týraly aqparattandyrý maqsatynda «Atameken» ulttyq kásipkerler palatasynyń jáne «Damý» kásipkerlikti damytý qorynyń qoldaýymen óńirlerde «Road Show» aksııasyn ótkizdi. Formattyń basty ereksheligi – naqty ınvestordyń múddeleri men múmkindikterin eskere otyryp, jobalarǵa qatysý úshin ataýly keńes berý.
Is-sharamen Shymkent, Túrkistan, Taraz, Aqtóbe, Oral, Qostanaı jáne Pavlodar qalalary qamtyldy. Osy óńirlerdiń árqaısysynda BAQ, oqý oryndary, qurylys kompanııalary men kommersııalyq qurylymdar ókilderiniń qatysýymen is-sharalar uıymdastyryldy.
Jalpy, aksııa qorytyndysy boıynsha 6 jeke kásipker jáne 1 jeke JOO-men kelisimshartqa qol qoıyldy. Qol jetkizilgen kelisimder aıasynda 2021 jyldyń sońyna deıin stýdentter úshin 2 myń jańa tósek-oryn engizý josparlanýda.
Qarjy ortalyǵynyń ónimderin «Road Show» formatynda aqparattyq ilgeriletý jónindegi jumys kelesi jyly jalǵasatyn bolady. Keste jáne ótkizý oryndary týraly aqparat tetiktiń – studdom.kz promo-saıtynda nemese 8 800 080 28 28 telefony arqyly (qońyraý shalý tegin) qoljetimdi bolady.
«Qarjy ortalyǵy» AQ
«Áleýmettik ınvestısııalardyń jańa formaty» BAQ úshin brıfıng, Taraz qalasy
О́ńirlik kásipkerler palatasy alańynda kásipkerlermen kezdesý, Oral qalasy
«Damý» kásipkerlikti damytý qorynyń óńirlik fılıaly alańynda kommersııalyq bank ókilderimen kezdesý, Aqtóbe qalasy
О́ńirlik kásipkerler palatasy alańynda kásipkerler jáne oqý oryndarymen kezdesý,
Qostanaı qalasy
«Ertis» telearnasynda stýdenttik jataqhanalar salý máselelerine arnalǵan telebaǵdarlamaǵa qatysý, Pavlodar qalasy
