Jýyrda Memleket basshysy Qasym-Jomart Toqaev «Memlekettik qyzmet jáne sybaılas jemqorlyqqa qarsy is-qımyl máseleleri boıynsha Qazaqstan Respýblıkasynyń keıbir zańnama aktilerine ózgerister men tolyqtyrýlar engizý týraly» Zańyna qol qoıǵany belgili.
«Bul Táýelsiz memleketimizdiń tarıhyndaǵy tyń jańalyq. Atalǵan zańnyń qabyldanýy - memleketimizdegi sybaılas jemqorlyqqa qarsy is-qımyldyń jańa kezeńin bastady dep aıta alamyz. Búgingi kúni basshylardyń qol astyndaǵy qyzmetkerleri úshin jaýapkershiligi zańnamalyq deńgeıde bekitildi»,- dedi Mırlan Muhambetov.
Baspasóz máslıhatyndaǵy aqparatqa sáıkes saıası memlekettik qyzmetshiler – mınıstrler men olardyń orynbasarlary, oblystar, Nur-Sultan, Almaty, Shymkent qalalary ákimderi men olardyń orynbasarlary, aýdan ákimderi olardyń tikeleı baǵynyshty qyzmetkerleri sybaılas jemqorlyq quqyq buzýshylyq jasasa mindetti túrde otstavkaǵa shyǵýǵa suranýy kerek.
Atalǵan talaptyń oryndalýy úshin sottyń aıyptaý úkimi nemese nemese aqtalmaıtyn negizder boıynsha qylmystyq istiń toqtatylýy jetip jatyr.
Al eger saıası emes, biraq A jáne B korpýsynyń ákimshilik memlekettik qyzmetshileri bolyp tabylatyn barlyq basqa basshylardyń qaramaǵyndaǵy qyzmetkerler sybaılas jemqorlyq quqyq buzýshylyq jasaǵan jaǵdaıda zańnamada belgilengen tártiptik jaýapkershilik qarastyrylǵan.
Sonymen qatar, atalǵan zańnamada sybaılas jemqorlyqtyń aldyn alý sharalaryn elemegen basshylarǵa da qatysty tártiptik jazanyń bar ekendigi aıtyldy.
«Úshinshi jańashylyq – normatıvtik quqyqtyq aktilerdiń jobalaryna sybaılas jemqorlyqqa qarsy saraptamany engizý ınstıtýty qaıta jandandyryldy. Bul mehanızm zańnamalyq jáne normatıvtik quqyqtyq aktilerdi ázirleý satysynda yqtımal sybaılas jemqorlyq táýekelderin anyqtaýǵa jáne joıýǵa múmkindik beredi»,- dedi Departament basshysy.
