Festıval baǵdarlamasy pedagogtar úshin master-klasstarǵa, ata-analar úshin ashyq keńesterge, balalar men jasóspirimderge arnalǵan arnaıy baǵdarlamaǵa toly boldy. Is-sharanyń basty spıkerleri - psıhologııa ǵylymdarynyń doktory, Reseı bilim akademııasynyń akademıgi Shalva Amonashvılı, halyqaralyq adamgershilik pedagogıka ortalyǵynyń prezıdenti Paata Amonashvılı, «Aıb» bilim berý qorynyń negizin qalaýshy Aram Pahchanıan, «Razum Life» qoǵamdyq birlestiginiń tóraǵasy Marına Targakova, «Bóbek» ulttyq ortalyǵynyń pedagog - ǵalymdary boldy.
«Zıorna» adamgershilik pedagogıka festıvaliniń jumysyna Álııa Nazarbaeva qatysty. «Men úshin jáne barlyǵymyz úshin bul óte jaýapty mıssııa. Men bizdiń úlkenderimiz, bizdiń festıvalden keıin bizdiń balalarymyzǵa, týǵan-týystarymyz ben jaqyndarymyzǵa jaqyn bolyp, ózimizge jańa shekaralar ashatynyna jáne beıbitshilik pen jarqyn ómir súrýge umtylatynyna shyn júrekten tilektespin jáne senemin!» dep atap ótti Álııa Nursultanqyzy.
Festıval aıasynda alǵash ret gýmanıtarlyq ǵylymdar negizindegi qazaqstandyq bilim berý - damytý platformasynyń t - EACH jobasy tanystyryldy. Jobanyń basty ıdeıasy - tolyq jáne úılesimdi ómir súrý úshin jarasymdy daǵdylardy qalyptastyrý arqyly balalardy adamgershilik, tózimdilik, jahandyq qundylyqtardy damytý men tárbıeleý baǵytynda baýlý bolyp tabylady.
Festıval barysynda «Qazaqstan muǵalimi» ulttyq syılyǵy tanystyryldy.
Pedagogtar men ata-analar úshin kelesi jarqyn jáne paıdaly kezdesý kelesi jyly 20-22 naýryz aralyǵynda adamgershilik pedagogıka boıynsha halyqaralyq pedagogıkalyq oqýlar ál-Farabı atyndaǵy QazUÝ-da ótetin bolady.
ALMATY
